HARARE LEWASHINGTON DC —
Amapholisa ayalile ukulandela isinqumo sedale leHigh Court sokuba likhululwe igqwetha elilwela ilungelo loluntu uNkosikazi Beatrice Mthethwa,obotshwe ngesonto. Ngakhoke abenhlanganiso yamagqwetha alwela ilungelo likazulu abe Zimbabwe Lawyers Human Rights bathi sebezabuyela edale bayecela ukuba abanjwe ngamandla amapholisa ukuba alandele lesi sinqumo somthethwandaba.
Unkosikazi Mtetwa ubotshwe ngesonto ngesikhathi ephathisa amalunga ebandla le MDC elikhokhelwa ngumMnumzana Morgan Tsvangirayi abotshwe emahofisini alelibandla.
Amagqwetha ahle agijimela edale le High Court lapho umahlauli uMnumzana Charles Hungwe uphe isinqumo sokuba akhululwe uMtethwa.
Kodwa isimanga yikuba ngesikhathi amagqwetha kaMthethwa esiya enkambeni ye Rhodesville lapho agcinwe khona, amapholisa alile ukusemukela lesi sinqumo kungekho sizatho abasinikezayo.
Ekhuluma lentathelizindaba emahofisini enhlanganiso yamagqwetha, umsekeli kamgcinisihlalo we Zimbabwe Lawyers for Human Rights,uNkosikazi Precious Chakasikwa,uthi uNkosikazi Mtethwa uke wasiwa enkambeni ye Harare Central kodwa wabuyiselwa enkambeni yeRhodesville njalo.
U Chakasikwa uthi umqondisi wohlangothi lwe Law and Order u Assistant Inspector Mirimbo , kanye lokhokhela amapholisa asebenza udaba lukaMtethwa uSuperintendent Mukazhi, baqinisa amakhanda besala ukusilandela isinqumo se High Court.
Okhokhela inhlanganiso yamaqgwetha alwela ilungelo loluntu i Zimbabwe Lawyers for Human rights,uNkosazana Irene Petras, uthi lokho osekusenzakala kukhomba ukuthi lanxa singaze sibe khona isisekelo sombuso esitsha, kumele iguqulwe indlela esebenza ngayo amapholisa, abasesibuthweni kanye labehofisi yegqwetha elikhulu likahulumende ukuze ilizwe lanelise ukuqhuba ukhetho uqobo.
Umqondisi wehlanganiso ebona ngezokhetho eye Zimbabwe Election Support Network, uNkosikazi Rindai Chipfunde Vava uthi ukwenza kwamapholisa lokhu kuphazamisa amalungelo kazulu njalo kulakho okwenqabela ukuqhutshwa kwemihlangano yemfundiso kuzulu acine angasavotanga ekhululekile.
Kolunye udaba oluphathelane lokhetho lwereferendum umkhokheli wequla lenhlanganiso yomanyano wamazwe angezansi kwezwekazi leAfrica ele SADC Parliamentary Constitutional Referendum Forum, uNkosana Guduiza Dlamini,onguye njalo isikhulumeli seNational Assembly embusweni we Swaziland, utshele intathelizindaba ukuba abe ZEC baluqhube ngendlela lolukhetho lweReferendum obelukhona ngoMgqibelo.
Inhloko kahulumende onguye njalo umkhokheli welinye lamacele e MDC uMnumzana Morgan Tsvangirayi akasazange aba lomhlangano lentathelizindaba phezu kodaba lokubotshwa kwegqwetha uNkosikazi Mthethwa okade ezama ukumela abasebenza emahofisini akhe uMnu. Thabani Mpofu, uNkosazana Anna Muzvidziwa, uMnu. Felix Matsinde kanye lokhansila Warship Dumba weHarare njengalokho abekutshilo ngaphambilini, wacina ethule umbiko kuphela.
Kunjalo nje, ibandla leMDC elikhokhelwa nguMnu. Morgan Tsvangirai lilandule imbiko yamapholisa ethi izisebenzi zenhloko kahulumende, zisebenza okungekho emthethweni. Isiphathamandla salelibandla, uMnu. Peter Moyo, ongukhansila njalo wedolobho leHarare utshele iStudio 7 ukuthi ibandla leZanu PF lifuna ukukhethela uTsvangirai abantu bokusebenza emahofisini akhe ukwenzela ukuthi babeyazi imfihlo yebandla lakhe.
Unkosikazi Mtetwa ubotshwe ngesonto ngesikhathi ephathisa amalunga ebandla le MDC elikhokhelwa ngumMnumzana Morgan Tsvangirayi abotshwe emahofisini alelibandla.
Amagqwetha ahle agijimela edale le High Court lapho umahlauli uMnumzana Charles Hungwe uphe isinqumo sokuba akhululwe uMtethwa.
Kodwa isimanga yikuba ngesikhathi amagqwetha kaMthethwa esiya enkambeni ye Rhodesville lapho agcinwe khona, amapholisa alile ukusemukela lesi sinqumo kungekho sizatho abasinikezayo.
Ekhuluma lentathelizindaba emahofisini enhlanganiso yamagqwetha, umsekeli kamgcinisihlalo we Zimbabwe Lawyers for Human Rights,uNkosikazi Precious Chakasikwa,uthi uNkosikazi Mtethwa uke wasiwa enkambeni ye Harare Central kodwa wabuyiselwa enkambeni yeRhodesville njalo.
U Chakasikwa uthi umqondisi wohlangothi lwe Law and Order u Assistant Inspector Mirimbo , kanye lokhokhela amapholisa asebenza udaba lukaMtethwa uSuperintendent Mukazhi, baqinisa amakhanda besala ukusilandela isinqumo se High Court.
Okhokhela inhlanganiso yamaqgwetha alwela ilungelo loluntu i Zimbabwe Lawyers for Human rights,uNkosazana Irene Petras, uthi lokho osekusenzakala kukhomba ukuthi lanxa singaze sibe khona isisekelo sombuso esitsha, kumele iguqulwe indlela esebenza ngayo amapholisa, abasesibuthweni kanye labehofisi yegqwetha elikhulu likahulumende ukuze ilizwe lanelise ukuqhuba ukhetho uqobo.
Umqondisi wehlanganiso ebona ngezokhetho eye Zimbabwe Election Support Network, uNkosikazi Rindai Chipfunde Vava uthi ukwenza kwamapholisa lokhu kuphazamisa amalungelo kazulu njalo kulakho okwenqabela ukuqhutshwa kwemihlangano yemfundiso kuzulu acine angasavotanga ekhululekile.
Kolunye udaba oluphathelane lokhetho lwereferendum umkhokheli wequla lenhlanganiso yomanyano wamazwe angezansi kwezwekazi leAfrica ele SADC Parliamentary Constitutional Referendum Forum, uNkosana Guduiza Dlamini,onguye njalo isikhulumeli seNational Assembly embusweni we Swaziland, utshele intathelizindaba ukuba abe ZEC baluqhube ngendlela lolukhetho lweReferendum obelukhona ngoMgqibelo.
Inhloko kahulumende onguye njalo umkhokheli welinye lamacele e MDC uMnumzana Morgan Tsvangirayi akasazange aba lomhlangano lentathelizindaba phezu kodaba lokubotshwa kwegqwetha uNkosikazi Mthethwa okade ezama ukumela abasebenza emahofisini akhe uMnu. Thabani Mpofu, uNkosazana Anna Muzvidziwa, uMnu. Felix Matsinde kanye lokhansila Warship Dumba weHarare njengalokho abekutshilo ngaphambilini, wacina ethule umbiko kuphela.
Kunjalo nje, ibandla leMDC elikhokhelwa nguMnu. Morgan Tsvangirai lilandule imbiko yamapholisa ethi izisebenzi zenhloko kahulumende, zisebenza okungekho emthethweni. Isiphathamandla salelibandla, uMnu. Peter Moyo, ongukhansila njalo wedolobho leHarare utshele iStudio 7 ukuthi ibandla leZanu PF lifuna ukukhethela uTsvangirai abantu bokusebenza emahofisini akhe ukwenzela ukuthi babeyazi imfihlo yebandla lakhe.