Amapholisa asebophe isizalwane sakweleChina esidubule isisebenzi uMnu. Mthandazo Sibanda eBinyup Mine eFilabusi ocatshangelwa ukuba ubetshontsha inhlabathi elegolide.
Kulomunye njalo obotshwe ngamapholisa odabuka kweleChina, uLiu Haifeng, oweMing Chang Sino-Africa Mining Investments okuthiwa wethusela uMnu. Kholwani Dube emgodini oseNkabazwe ngombhobho.
UDube kubikwa ukuba wayecela ukubhadalwa iholo lakhe. UHaifeng uthi uDube wamgwaza ngeOkapi enyaweni.
Kulamavideos abhodabhoda enkundleni zokuxhumana atshengisa okwehlela uDube loSibanda.
Kubikwa ukuba zinengi izisebenzi ezikhahlanyezwa ngabadabuka kweleChina. Kasenelisanga ukukhuluma ngodaba lolu leziphathamandla zemigodi le kanye lamagqwetha amele abasolwa laba.
Sixoxe lengcwethi obona ngenswelo langezikhalazo zezisebenzi, uMnu. Davies Ndumiso Sibanda, oweStratways Management Services othi kumele uhulumende engenele.
Forum