Abanengi basola inyathelo likahulumende lokubhadalisa amankampani imithelo emizameni yokudinga imali ezasetshenziswa kunhlelo zokufaka umnotho welizwe ezandleni zabensundu.
Umphathintambo obona ngogatsha lwabasakhulayo lokuthuthukiswa kwabensindu kwezenotho uMnu Patrick Zhuwawo utshele intathelizindaba ngoLwesibili ukuthi kusiyafika umnyaka ka2018 zonke inxa zomnotho kumele zibe sezisezandleni zabensundu.
Uthi njalo amankampani kumele ahlawule imali eyisilinganiso sokulitshumi ekhulwini. Kodwa abanengi bathi lokhu kuzakwenza amankampani amanengi avalwe.
Osakhulayo uMnu Primise Muleya, obekuhlelo lweMandela Washington Fellowship lonyaka ngomunye wabasola imizamo kahulumende le.
"Ungakhangela elizweni lonke jikelele amankampani ayagula, akaqhula, izisebenzi ezinengi aziholi," kutsho uMuleya.
"Ngakho ukuzwa uMnu Zhuwawo efuna ukubamba amankampani njalo iganyavu kuyasimangalisa lokhu."
