Idale le cabinet lithi wonke amankampani emazweni ezemigodi akwele Zimbabwe sokumele afake imali yonke ayizuzayo emabhanga aselizweni kulokuthi ayifake kwawo mazweni.
Umnu. Obert Mpofu umpathintambo wezemigodi utshele iphephandaba le Sunday Mail ukuthi kufuneka njalo ukuthi amankampani la abise imali yonke ayizuzayo efakwe emabhanga asemazweni ukwenzela ukuthi kuthuthukiswe inotho yelizwe.
UMpofu uthe ele Zimbabwe lilakho ukuguqula umnotho nxa imali esemazweni eyenziwa yimigodi ingalethwa elizweni.
Katshongo ukuthi amankampani la alemali enganani emazweni okumele ibuyele elizweni emabhanga eZimbabwe loba efanisele nje ukuthi ngamabillions amadollar eMelika.
Abaqondisi bamankampani bezemigodi bayalile ukukhuluma ngaloludaba besithi bayesaba ukukhahlamezwa nguhulumende.
Idale leCabinet lisanda kwenza isinqumo sokuthi wonke amabhanga emazweni asebenzela kwele Zimbabwe kumele alethe imali yonke elizweni esemabhanga asemazweni.
Ingcwethi kwezenotho uMnu. Rejoice Ngwenya uthi kuyamangalisa okwenziwa lidale le cabinet elifuna ukuthuthukisa inotho yelizwe ngendlela ephansi.