WASHINGTON DC —
Amankampani asebenza ukuhlolisisa impahla evela emazweni emngceleni we Beitbridge athi akasatholi mali ebikhangelelwe ngenxa yokukhalala umsebenzi kwabatshayeli bezimota ezinkulu kwele South Africa.
Inkampani ngayinye ibikhangelele ukuthola inkulungwane ezingamatshumi amabili zama rand – R20,000 ekuhloleni impahla ngelanga.
Omunye wabo uMnu. Thomas Phiri umqondisi we AMES Border Agencies uthi kuthule zwi eBeitbridge izimota zizilutshwane ezithwala impahla eya emazweni anjenge Zambia.
UPhiri uthi okwamanje kulezimota ezithwala ukudla okunjenge mpuphu le rice okutholakala eMesina le Luis Trichard.
Abatshayeli bezimota ezinkulu kwele South Africa bakhonona ngeholo eliphansi.
Kulembiko ethi okwamanje bakhulumisana labaqhatshi ngokukhuphulwa kweholo labo loba sokulobudlwangudlwangu obumangalisayo eJohannesburg le Cape Town.
Umnu. Phiri uthi kuyenzakala ukuthi kungaba lokusilela kokudla eZimbabwe nxa abatshayeli laba bengabuyelanga emsebenzini.
Kusenjalo, inhlanganiso eboleka amazwe imali eye international monetary fund ithi umnotho we Zimbabwe usukhangelelwe ukuthi uzathuthuka kancane ngenxa yokuncipha komnotho wamazwe entshonalanga le China.
Inhlanganiso ye IMF eyethule umbiko lo kugwalo olujulileyo lwe - World Economic Outlook – ithi umnotho we Zimbabwe uzathuthuka ngokuyisilinganiso sokuhlanu ekhulwini - 5 percent lonyaka.
Umphathintambo wezemali uMnu. Tendai Biti wathi esethula ibudget yomnyaka ka 2012 wafanisela ukuthi umnotho welizwe uzathuthuka phose ngokuyisilinganiso sokulitshumi ekhulwini – 9.4 percent.
Waphinda wakuhlolisisa lokhu ngoNhlangula wasesithi sokukhangelwe ukuthi usuyathuthuka ngokwedlula isilinganiso sokuhlanu ekhulwini – 5.6 percent.
Wathi lokhu kwakubangelwa yokuswelakala kwemali yokuvuselela amafekithali kanye lokwehla kwesivuno samabele lonyaka.
Inkampani ngayinye ibikhangelele ukuthola inkulungwane ezingamatshumi amabili zama rand – R20,000 ekuhloleni impahla ngelanga.
Omunye wabo uMnu. Thomas Phiri umqondisi we AMES Border Agencies uthi kuthule zwi eBeitbridge izimota zizilutshwane ezithwala impahla eya emazweni anjenge Zambia.
UPhiri uthi okwamanje kulezimota ezithwala ukudla okunjenge mpuphu le rice okutholakala eMesina le Luis Trichard.
Abatshayeli bezimota ezinkulu kwele South Africa bakhonona ngeholo eliphansi.
Kulembiko ethi okwamanje bakhulumisana labaqhatshi ngokukhuphulwa kweholo labo loba sokulobudlwangudlwangu obumangalisayo eJohannesburg le Cape Town.
Umnu. Phiri uthi kuyenzakala ukuthi kungaba lokusilela kokudla eZimbabwe nxa abatshayeli laba bengabuyelanga emsebenzini.
Kusenjalo, inhlanganiso eboleka amazwe imali eye international monetary fund ithi umnotho we Zimbabwe usukhangelelwe ukuthi uzathuthuka kancane ngenxa yokuncipha komnotho wamazwe entshonalanga le China.
Inhlanganiso ye IMF eyethule umbiko lo kugwalo olujulileyo lwe - World Economic Outlook – ithi umnotho we Zimbabwe uzathuthuka ngokuyisilinganiso sokuhlanu ekhulwini - 5 percent lonyaka.
Umphathintambo wezemali uMnu. Tendai Biti wathi esethula ibudget yomnyaka ka 2012 wafanisela ukuthi umnotho welizwe uzathuthuka phose ngokuyisilinganiso sokulitshumi ekhulwini – 9.4 percent.
Waphinda wakuhlolisisa lokhu ngoNhlangula wasesithi sokukhangelwe ukuthi usuyathuthuka ngokwedlula isilinganiso sokuhlanu ekhulwini – 5.6 percent.
Wathi lokhu kwakubangelwa yokuswelakala kwemali yokuvuselela amafekithali kanye lokwehla kwesivuno samabele lonyaka.