WASHINGTON —
Umongameli Robert Mugabe udlulisele phambili umhlangano lenkokheli zikahulumende womanyano owokucubungula ugwalo olukhangelelwe ukuba yisisekelo sombuso esitsha olwe Draft Constitution esithi uzaqala axoxisane leziphathamandla zebandla lakhe ngaloludaba.
Lokhu kuvezwe nguMnu. Welshman Ncube, okhokhela elinye lamacele eMDC obekumele abe kulumhlangano. UNcube utshele iStudio 7 ukuthi ubenganxuswanga emhlanganweni ofanayo ngoMvulo, lanxa umhlangano wakhona ungasagqitshwanga sokuvunyelenwe ukuthi uqhutshwe ngolweSibili esekhona uNcube.
Amacele womabili eMDC emukela ugwalo lweDraft Constitution, kodwa ibandla le ZANU PF lithi kunengi okumele kwengezelelwe njalo kuphungulwe kulo.
Kusenjalo, uMnu. Descent Bajila, umkhokheli wabatsha kucele le MDC elikhokhelwa nguNcube uthi kavumelani labatsha abathi ugwalo lolu aluthuthukisi inhlelo zabo.
Kusenjalo, UMnu. Alois Dzvairo, umgcinisihlalo wabatsha kunhlanganiso ebona ngokulotshwa kwesisekelo sombuso esitsha eye National Constitutional Assembly, i-NCA ugcizelele kuSithandekile Mhlanga weStudio 7 ukuthi akufanelanga amabandla ezombusazwe kube yiwo aqhuba loluhlelo.
Lokhu kuvezwe nguMnu. Welshman Ncube, okhokhela elinye lamacele eMDC obekumele abe kulumhlangano. UNcube utshele iStudio 7 ukuthi ubenganxuswanga emhlanganweni ofanayo ngoMvulo, lanxa umhlangano wakhona ungasagqitshwanga sokuvunyelenwe ukuthi uqhutshwe ngolweSibili esekhona uNcube.
Amacele womabili eMDC emukela ugwalo lweDraft Constitution, kodwa ibandla le ZANU PF lithi kunengi okumele kwengezelelwe njalo kuphungulwe kulo.
Kusenjalo, uMnu. Descent Bajila, umkhokheli wabatsha kucele le MDC elikhokhelwa nguNcube uthi kavumelani labatsha abathi ugwalo lolu aluthuthukisi inhlelo zabo.
Kusenjalo, UMnu. Alois Dzvairo, umgcinisihlalo wabatsha kunhlanganiso ebona ngokulotshwa kwesisekelo sombuso esitsha eye National Constitutional Assembly, i-NCA ugcizelele kuSithandekile Mhlanga weStudio 7 ukuthi akufanelanga amabandla ezombusazwe kube yiwo aqhuba loluhlelo.
