WASHINGTON DC —
Amalunga edale lephalamende leZimbabwe ayakhonona kakubi ngendlela aphathwa ngayo nguhulumende kulandela ukwalelwa kwawo ukuhlala emahoteleni eHarare kuliviki ngenxa yesikwelede samadola edlula ingxenye yesigidi i$600, 000 engabhadalwanga nguye uhulumende.
Isikwelede lesi sadalwa yikuhlala kwamalunga edale emahoteleni la elande umsebenzi wephalamende, kodwa uhulumende kasazange wazihlupha ngokubhadala lanxa wayethembisile.
Ngalokho, amahotela la athi kasoze awemekele amalunga edale ukuthi ahlale kiwo andubana uhulumende ahlawule isikwelede sakhe.
Amalunga avela phandle kwedolobho leHarare acine secela ukucatshisa amakhanda kuzihlobo labangane ngoLwesibili ngemva kokuvinjwa ngamahotela.
Lokhu ayisikho kwakuqala ukuthi amahotela ale ukupha iziphathamandla zikahulumende indawo zokulala njalo inengi lithi uhululumende uphatha amalunga edale ngendlela engela sithunzi.
Ukuhlaziya loludaba uNtungamili Nkomo weStudio 7 uxhume ingcwethi ecubungula ezombusazwe uMnu Nkululeko Sibanda lommeli weInsiza South edale lephalamende uMnu Siyabonga Malandu Ncube bona abathi uhulumende kumele aqakathekise amalunga edale.
Isikwelede lesi sadalwa yikuhlala kwamalunga edale emahoteleni la elande umsebenzi wephalamende, kodwa uhulumende kasazange wazihlupha ngokubhadala lanxa wayethembisile.
Ngalokho, amahotela la athi kasoze awemekele amalunga edale ukuthi ahlale kiwo andubana uhulumende ahlawule isikwelede sakhe.
Amalunga avela phandle kwedolobho leHarare acine secela ukucatshisa amakhanda kuzihlobo labangane ngoLwesibili ngemva kokuvinjwa ngamahotela.
Lokhu ayisikho kwakuqala ukuthi amahotela ale ukupha iziphathamandla zikahulumende indawo zokulala njalo inengi lithi uhululumende uphatha amalunga edale ngendlela engela sithunzi.
Ukuhlaziya loludaba uNtungamili Nkomo weStudio 7 uxhume ingcwethi ecubungula ezombusazwe uMnu Nkululeko Sibanda lommeli weInsiza South edale lephalamende uMnu Siyabonga Malandu Ncube bona abathi uhulumende kumele aqakathekise amalunga edale.
