WASHINGTON DC —
Amalunga enhlanganiso yezisebenzi, eye Zimbabwe Congress of Trade Unions (ZCTU) atshengisele koBulawayo ngoLwesihlanu enanza isehlakalo sika2006 lapho amalunga ayo abhaxabulwa khona kabuhlungu ngamapholisa.
Amalunga eZCTU edlula ikhulu afole ehamba ngesitalada sikaGeorge Silundika esuka emahofisini ephephandaba leChronicle esiya emahofisini alinhlanganiso ethwele amabhakane akhuthaza uhulumende ukuthi ahloniphe amalungelo ezisebenzi njalo azengezelele iholo.
Amapholisa ake azama ukuvimba ukufola lokhu kodwa iziphathamandla zeZCTU ziwatshengise imvumo eziyiphiwe lidale leHigh Court ngoLwesine.
Inhlanganiso le ithi amalunga ayo azafola njalo kwezinye indawo zelizwe ezigoqela iHarare ngoMgqibelo.
Omunye wabasekeli bakamongameli weZCTU uNkosazana Sithokozile Siwela utshele iStudio 7 ukuthi izisebenzi zikhathazeke kakhulu ngokwephulwa kwamalungelo azo nguhulumende kanye labaqatshi.
Amalunga eZCTU edlula ikhulu afole ehamba ngesitalada sikaGeorge Silundika esuka emahofisini ephephandaba leChronicle esiya emahofisini alinhlanganiso ethwele amabhakane akhuthaza uhulumende ukuthi ahloniphe amalungelo ezisebenzi njalo azengezelele iholo.
Amapholisa ake azama ukuvimba ukufola lokhu kodwa iziphathamandla zeZCTU ziwatshengise imvumo eziyiphiwe lidale leHigh Court ngoLwesine.
Inhlanganiso le ithi amalunga ayo azafola njalo kwezinye indawo zelizwe ezigoqela iHarare ngoMgqibelo.
Omunye wabasekeli bakamongameli weZCTU uNkosazana Sithokozile Siwela utshele iStudio 7 ukuthi izisebenzi zikhathazeke kakhulu ngokwephulwa kwamalungelo azo nguhulumende kanye labaqatshi.