WASHINGTON DC —
Amalunga enhlanganiso yabesifazana iWoza atshengisele koBulawayo ngoLwesihlanu ekhonona ngokwehluleka kukahulumende ukubhadalela inkulungwane zabantwana besikolo phansi kohlelo lwakhe lweBasic Education Assistance Module (BEAM).
Amalunga enhlanganiso le ebesola njalo ukungethembeki okwenzakalayo kumankampani kahulumende.
IWoza ithi amalunga ayo atshengisele koBulawayo ebeyinkulungwane eyodwa lamatshumi amathathu njalo ebethwele amaluba, evunule izigqoko ezibomvu njengendlela yokunanza ilanga lezithandani iValentines Day.
NgoLwesine inhlanganiso le itshengisele njalo eHarare kwatshaywa amalunga ayo alitshumi.
Isiphathamandla seWoza uNkosazana Magodonga Mahlangu utshele iStudio 7 ukuthi lakoBulawayo amapholisa ake azama ukubuya ngolaka kodwa aphanga azithinta.
Kunjalo nje abesifazana abangamalunga enhlanganiso ye Women’s Coalition labo batshengisele ngoLwesihlanu eHarare besola ukuthi abadlwengula abesifazana kanye labantwana bagwetshwa iminyaka emilutshwana eyokuhlala entolongweni.
Umgcinisihlalo we Women’s Coaliton uNkosikazi Virginia Muwanigwa utshele istudio 7 ukuthi abesifazana basola kakhulu indlela umfundisi wenSonto ye RMG End Of Time Message uMnu. Robert Gumbura afuna ukuphikisa isigwebo sakhe emthethwandaba. Abesifazana laba bebegqoke impahla ezibomvu benanza njalo ilanga le Valentine’s Day.
Ukuhlaziya loludaba, sixoxe lo sSenator we Matabeleland South uNkosikazi Sithembile Mlotshwa, yena othi abesifazana abedale lephalamende bafuna ukutshengisela ngodaba olufanayo ngoba bekholwa ukuthi amalungelo abesifazana awananzwa.
Amalunga enhlanganiso le ebesola njalo ukungethembeki okwenzakalayo kumankampani kahulumende.
IWoza ithi amalunga ayo atshengisele koBulawayo ebeyinkulungwane eyodwa lamatshumi amathathu njalo ebethwele amaluba, evunule izigqoko ezibomvu njengendlela yokunanza ilanga lezithandani iValentines Day.
NgoLwesine inhlanganiso le itshengisele njalo eHarare kwatshaywa amalunga ayo alitshumi.
Isiphathamandla seWoza uNkosazana Magodonga Mahlangu utshele iStudio 7 ukuthi lakoBulawayo amapholisa ake azama ukubuya ngolaka kodwa aphanga azithinta.
Kunjalo nje abesifazana abangamalunga enhlanganiso ye Women’s Coalition labo batshengisele ngoLwesihlanu eHarare besola ukuthi abadlwengula abesifazana kanye labantwana bagwetshwa iminyaka emilutshwana eyokuhlala entolongweni.
Umgcinisihlalo we Women’s Coaliton uNkosikazi Virginia Muwanigwa utshele istudio 7 ukuthi abesifazana basola kakhulu indlela umfundisi wenSonto ye RMG End Of Time Message uMnu. Robert Gumbura afuna ukuphikisa isigwebo sakhe emthethwandaba. Abesifazana laba bebegqoke impahla ezibomvu benanza njalo ilanga le Valentine’s Day.
Ukuhlaziya loludaba, sixoxe lo sSenator we Matabeleland South uNkosikazi Sithembile Mlotshwa, yena othi abesifazana abedale lephalamende bafuna ukutshengisela ngodaba olufanayo ngoba bekholwa ukuthi amalungelo abesifazana awananzwa.
