WASHINGTON DC —
Amalunga edale lephalamende athethe isifungo sokuqala umsebenzi eHarare ngoLwesibili ethembisa ukusebenza nzima ethuthukise impilo kazulu.
Ngemva kokufungiswa, amalunga eMDC aphumile kulelidale atshiya amalunga eZanu PF sekhetha usomlomo wephalamende.
Njengobekukhangelelwe, uMnu Jacob Mudenda nguye ongene kulesisikhundla njalo umsekeli wakhe nguNkosikazi Mabel Chinomona.
Ummeli weUmguza ephalamende uMnu Obert Mpofu ubikwa ewise ezimathonsi ethakazelela ukukhethwa kukaMnu Mudenda.
UNkosikazi Edna Madzongwe ubuyelile kusikhundla sokuba ngumkhokheli wedale leSenate njalo umsekeli wakhe nguMnu Chen Chimutengwende.
Ibandla leZanu PF yilo eselikhokhela idale leSenate leleHouse of Assembly njalo inengi lesabela ukuthi lelibandla lizaletha imithetho engalunganga kalula ngoba iMDC ingasenelisi ukulivimba.
Kudale leHouse of Assembly iZanu PF ilamalunga phose angamakhulu amabili, 197, iMDC-T ilamalunga angamatshumi ayisikhombisa, 70, kuthi iMDC kaMnu Welshman Ncue ilamalunga amabili.
Kudale leSenate iZanu PF ilamalunga angamatshumi ayisikhombisa lantathu, 73, iMDC-T ilangamatshumi amabili lanye, 21, njalo iMDC kaNcube ilamalunga amabili.
UMongameli Robert Mugabe uzavula amadale womabili okusemthethweni mhlaka 17 kulinyanga.
Ummeli weNkayi South ephalamende uMnu Abednico Bhebhe utshele iStudio 7 ukuthi ibandla lakhe aliphathekanga ekukhethweni kukasomlomo ngoba likhonona ngokunqoba kweZanu PF kukhetho olwedluleyo.
Kunjalo nje, uNkosikazi Priscillar Misihairabwi-Mushonga, oweMDC kaNcube ngomunye wabafungisiweyo lanxa amanye amalunga ebandla lakhe ebesithi kafuni angene esikhundleni lesi.
UMisihairabwi ubevele encintisa ukhetho eseHarare, kodwa okumangalise abanengi yikuthi ibandla limkhethile phansi kohlelo lweProportional Representation ukuthi amele isigaba seMatabeleland South.
Abasola inyathela leli bagoqela uMnu Siyabonga Malandu Ncube, uMnu Moses Mzila Ndlovu kanye loMnu Patrick Dube bona abahlangane loMnu Welshman Ncube ngeviki edluleyo bemxwayisa ukuthi engavumeli uMisihairabwi ethatha lesisikhundla.
Lanxa isikhulumeli salelibandla uMnu Nhlanhla Dube ekulandula ukuthi abathathu laba bahlangane loNcube, iStudio 7 ilobufakazi bokuthi uMalandu, uMzila loDube bahlangane loWelshman ngeviki edluleyo ngoLwesine.
UMalandu yena uthi bazahlangana kunsukwana ezizayo njengenkokheli yeMatabeleland bathathe amanyathelo okukhipha uMisihairabwi ephalamende.
Ngemva kokufungiswa, amalunga eMDC aphumile kulelidale atshiya amalunga eZanu PF sekhetha usomlomo wephalamende.
Njengobekukhangelelwe, uMnu Jacob Mudenda nguye ongene kulesisikhundla njalo umsekeli wakhe nguNkosikazi Mabel Chinomona.
Ummeli weUmguza ephalamende uMnu Obert Mpofu ubikwa ewise ezimathonsi ethakazelela ukukhethwa kukaMnu Mudenda.
UNkosikazi Edna Madzongwe ubuyelile kusikhundla sokuba ngumkhokheli wedale leSenate njalo umsekeli wakhe nguMnu Chen Chimutengwende.
Ibandla leZanu PF yilo eselikhokhela idale leSenate leleHouse of Assembly njalo inengi lesabela ukuthi lelibandla lizaletha imithetho engalunganga kalula ngoba iMDC ingasenelisi ukulivimba.
Kudale leHouse of Assembly iZanu PF ilamalunga phose angamakhulu amabili, 197, iMDC-T ilamalunga angamatshumi ayisikhombisa, 70, kuthi iMDC kaMnu Welshman Ncue ilamalunga amabili.
Kudale leSenate iZanu PF ilamalunga angamatshumi ayisikhombisa lantathu, 73, iMDC-T ilangamatshumi amabili lanye, 21, njalo iMDC kaNcube ilamalunga amabili.
UMongameli Robert Mugabe uzavula amadale womabili okusemthethweni mhlaka 17 kulinyanga.
Ummeli weNkayi South ephalamende uMnu Abednico Bhebhe utshele iStudio 7 ukuthi ibandla lakhe aliphathekanga ekukhethweni kukasomlomo ngoba likhonona ngokunqoba kweZanu PF kukhetho olwedluleyo.
Kunjalo nje, uNkosikazi Priscillar Misihairabwi-Mushonga, oweMDC kaNcube ngomunye wabafungisiweyo lanxa amanye amalunga ebandla lakhe ebesithi kafuni angene esikhundleni lesi.
UMisihairabwi ubevele encintisa ukhetho eseHarare, kodwa okumangalise abanengi yikuthi ibandla limkhethile phansi kohlelo lweProportional Representation ukuthi amele isigaba seMatabeleland South.
Abasola inyathela leli bagoqela uMnu Siyabonga Malandu Ncube, uMnu Moses Mzila Ndlovu kanye loMnu Patrick Dube bona abahlangane loMnu Welshman Ncube ngeviki edluleyo bemxwayisa ukuthi engavumeli uMisihairabwi ethatha lesisikhundla.
Lanxa isikhulumeli salelibandla uMnu Nhlanhla Dube ekulandula ukuthi abathathu laba bahlangane loNcube, iStudio 7 ilobufakazi bokuthi uMalandu, uMzila loDube bahlangane loWelshman ngeviki edluleyo ngoLwesine.
UMalandu yena uthi bazahlangana kunsukwana ezizayo njengenkokheli yeMatabeleland bathathe amanyathelo okukhipha uMisihairabwi ephalamende.