BULAWAYO —
Izakhamizi zakoZimnyama emangweni we Plumtree, ezisekela amabandla eMDC, zithi indlala isizithwalise amagabha avuzayo kulandela ukwabiwa kokudla kukhangelwa ukuthi umuntu usekela liphi ibandla lokuthi ulekhadi na elitshengisa ukuthi ulilunga lebandla le Zanu PF.
Izakhamizi lezi zithi ukwabiwa kokudla kuphethwe ngabantu bebandla le Zanu PF abathi abangeke banike ukudla abantu abangazange babavotele kukhetho oludluleyo.
Lokhu kwenzakala ngesikhathi izigidi zabantu bakuleli zikhangelele ukuthola uncedo lokudla kuhulumende kanye lenhlanganiso ezizimele zodwa ngenxa yokuswelakala kokudla.
Ukucubungula okwenziwe yinhlanganiso yomanyano wamazwe omhlaba i United Nations lohulumende wakuleli kuveze ukuthi kuzakuthi kusiyafika uMbimbitho ngomnyaka ozayo abantu abaphezu kwezigidi ezimbili – 2.2 million, bayabe bedinga ukuphathiswa ngokudla.
UNkosikazi Sithembile Khupe, oyisakhamuzi koZimnyama, uthi abazi ukuthi iyozala nkomoni nxa udaba lokwabiwa kokudla lungalungiswanga ukuze wonke umuntu akuthole lokhu kudla.
Uthi bancitshwa ukudla okuvela eziphaleni zikahulumende e Grain Marketing Board baphinde njalo bancitshwe ithuba lokubhalisa kuluhlu lwalabo abazathola ukudla kunhlanganiso ezizimele zodwa ngoba kuthiwa abavotelanga ibandla le Zanu PF elinqobe kukhetho olwedluleyo.
UMnumzana Marko Ndlovu, oyisakhamuzi njalo, uthi abalwa impi yenkululeko yibo abaphatheke ekwabeni ukudla abathi bafuna ukubona amakhadi okuthi umuntu ulilunga lebandla leZanu PF anduba abelakho ukuthola ukudla.
Uthi inengi labantu selihlezi phansi alisazihluphi lokuya lapho okwabiwa khona ukudla nxa lingela khadi lalelibandla ngoba lisazi ukuthi liyabe lihambele ubabhemi ofileyo.
Ocubungula ezombusazwe, uMnumzana Freedom Mazwi, uthi bekuvele kusobala ngemva kokunqoba kwalelibandla ukuthi labo abakhangelwe njengabasekeli bamabandla e MDC bazawukhomba umuzi olotshwala.
Uthi abasekeli balelibandla bavele abakwazi ukuphilisana labanye nxa bethe banqoba okutsho ukuthi labo abangela makhadi eZanu PF bazadliswa imbuya ngoluthi nxa loludubo lungalungiswanga ngokuphangisa.
Udubo lolu lokwabiwa kokudla kukhangelwa ezombangazwe alubhekananga lezakhamizi zakoZimnyama kuphela, kulandela imbiko efanayo esiphume kuzigaba zelizwe ezitshiyeneyo.
Izakhamizi lezi zithi ukwabiwa kokudla kuphethwe ngabantu bebandla le Zanu PF abathi abangeke banike ukudla abantu abangazange babavotele kukhetho oludluleyo.
Lokhu kwenzakala ngesikhathi izigidi zabantu bakuleli zikhangelele ukuthola uncedo lokudla kuhulumende kanye lenhlanganiso ezizimele zodwa ngenxa yokuswelakala kokudla.
Ukucubungula okwenziwe yinhlanganiso yomanyano wamazwe omhlaba i United Nations lohulumende wakuleli kuveze ukuthi kuzakuthi kusiyafika uMbimbitho ngomnyaka ozayo abantu abaphezu kwezigidi ezimbili – 2.2 million, bayabe bedinga ukuphathiswa ngokudla.
UNkosikazi Sithembile Khupe, oyisakhamuzi koZimnyama, uthi abazi ukuthi iyozala nkomoni nxa udaba lokwabiwa kokudla lungalungiswanga ukuze wonke umuntu akuthole lokhu kudla.
Uthi bancitshwa ukudla okuvela eziphaleni zikahulumende e Grain Marketing Board baphinde njalo bancitshwe ithuba lokubhalisa kuluhlu lwalabo abazathola ukudla kunhlanganiso ezizimele zodwa ngoba kuthiwa abavotelanga ibandla le Zanu PF elinqobe kukhetho olwedluleyo.
UMnumzana Marko Ndlovu, oyisakhamuzi njalo, uthi abalwa impi yenkululeko yibo abaphatheke ekwabeni ukudla abathi bafuna ukubona amakhadi okuthi umuntu ulilunga lebandla leZanu PF anduba abelakho ukuthola ukudla.
Uthi inengi labantu selihlezi phansi alisazihluphi lokuya lapho okwabiwa khona ukudla nxa lingela khadi lalelibandla ngoba lisazi ukuthi liyabe lihambele ubabhemi ofileyo.
Ocubungula ezombusazwe, uMnumzana Freedom Mazwi, uthi bekuvele kusobala ngemva kokunqoba kwalelibandla ukuthi labo abakhangelwe njengabasekeli bamabandla e MDC bazawukhomba umuzi olotshwala.
Uthi abasekeli balelibandla bavele abakwazi ukuphilisana labanye nxa bethe banqoba okutsho ukuthi labo abangela makhadi eZanu PF bazadliswa imbuya ngoluthi nxa loludubo lungalungiswanga ngokuphangisa.
Udubo lolu lokwabiwa kokudla kukhangelwa ezombangazwe alubhekananga lezakhamizi zakoZimnyama kuphela, kulandela imbiko efanayo esiphume kuzigaba zelizwe ezitshiyeneyo.