Umantshi weHarare uNkosikazi Ruth Moyo usedlulisele phambili ukwethulwa kwesinqumo sodaba lokukhululwa ngesibambiso se-bail samalunga ebandla eliphikisayo eleCCC afika phose amatshumi ayisitshiyangalombili, 78 abotshwe ngeviki edluleyo.
Umantshi utshele umthethwandaba namuhla ukuba uphuze ukuthola amaphepha aloludaba obekumele aphanyekwe edale lakhe ngabatshutshisi.
Usekhangelelwe ukwethula isinqumo sakhe ngoLwesine mhlaka 27 wayonalinyanga.
uMnu Timba labasakhulayo laba babotshwa ngesikhathi benanza usuku lweInternational Day of the African Child emzini kaTimba betheswa icala lokubuthana bengela mvumo.
Abanye kubikwa batshaywa ngamapholisa balimala njalo kulabane okubikwa besesibhedlela.
Elinye lamagqwetha eCCC, uMnu Agency Gumbo, utshele iStudio7 ukuthi ababotshiweyo laba bakhangelane lendubo ezinengi ezigoqela ukuswela ingumbo lempahla ezikhudumalayo.
Forum