Lokhu kuvele emhlanganweni wengcwethi zokulondolozwa kwamabhuku lezi, ama Librarians owenzelwe eHarare ngoLwesihlanu, phansi kwenhlanganiso yeZimbabwe Library Association.
Ingcwethi emsebenzini lo ongu librarian ekolitshini le Harare Institute of Technology umnumzana Jasper Lee Maenzanise wazise lumhlangano ukuba inengi lama Library eZimbabwe selikusimo esibi esethusayo.
Umnumzana Styx Mhlanga ongumlobi olodumo uthi ama library aqakathekile ukuba asekelwe ngoba ephathisa labalobi abanjengaye:
UWadzanai Chihombori osebenzelana lenhlanganiso ezithuthukisa ukutholakala kwamabhuku uthi ama Library amanengi okugoqela eyemzini waseNketha alamabhuku asegugile njalo adinga usizo olungaphathisa abantwana ezifundweni zabo.
Ingcwethi lezi zithi umumo wama library mubi kanje ngesikhathi ona emele ebe esekela imizamo kahulumende yokuthuthukisa ilizwe aphansi kohlelo lwe ZIMASSET.
Izakhiwo ezinengi zamaLibrary zitholakala zingela mafasithela, uphahla luvuza, izithulo amathafula lamashelufu kungaqondakali ukuthi kuyisimakanjani. Ngakwelinye icele ama librarians labo bengasakwazi lokuthi bahola ngaliphi ilanga okubatshiya bengabantu abasebenza bengela dlabuzane.Umhlanga uthi njengabalobi bakhangelele kuwo ama library ukuba labo bephathiseke:
AmaLibrarirans akade ekulu mhlangano athi kuyadingakala ukuba inhlanganiso yabo iqiniswe benelise ukudinga ezinye indlela ezingathuthukisa umsebenzi wabo okugoqela usekelo lwemali phansi kwezinye indlela ezikhona.
Emhlabeni wonke jikelele kula ma Library kazulu angaba zinkulungwane ezedlula amakhulu amathathu-360,000 inkulungwane ezedlula amakhulu amabili- 230 000 awo etholakala emazweni asathuthukayo.
Umhlangano lo welanga elilodwa ungenwe ngama Librarians avela ezikolweni, amakolotshi, amaUniversity lama Library kazulu lawama khansili.
