WASHINGTON DC —
Amakolitshi emfundo yaphezulu eZimbabwe abikwa ethwele nzima ngokuswelakala kwemali osokusenza ukuthi ayekele ukwakha izakhiwo eziqakathekileyo.
UNkosikazi Martha Muguti umqondisi wohlangothi lwamakolitshi emfundo yaphezulu, utshele ikhomithi yedale lephalamende ebona ngezemfundo ngoMvulo ukuthi uhulumende uyehluleka ukubhadala amakolitshi la izigidi ezingamatshumi ayisithupha zamadollar-$60 million.
UMuguti uthi lokhu kubangelwa yikuthi abazali kabenelisi ukubhadala inhlawulo yezifundo.
Uthi okwamanje amakolitshi amanengi asemise inhlelo ezinengi ezinjengokwakha izindlu zokufundela ngoba uhulumende engela mali.
Uthi lokhu kubangela inhlupho ezinengi emakolitshini lapho uhulumende ayehluleka laye ukubhadalela izifundi ezingaphansi kohlelo lwe Cadetship Scheme.
Umnu. George Chabururuka umqondisi okhangelane lezemali kugatsha lwezemfundo yaphezulu, utshele ikhomithi le ukuthi kumele uhulumende aphumele egcekeni ukuthi kasenelisi ukubhadalela izifundi kuhlelo lolu.
Uthi okwamanje uhulumende usebhadale inkulungwane eziyisikhombisa lengxenye zamadollar–$7,500 kuphela yalolu hlelo.
Uthi lokhe lumnyaka uqalileyo sebethole izigidi ezilitshumi lantathu zamadollar- $13 million yokuthuthukisa amakolotshi.
Uthi imali le kayeneli ngitsho lakancane njengoba kufuneka imali enengi yokwakha izindlu zokufundela lezinye indleko.
Umnu. Pride Mukono umqondisi we Zimbabwe National Students Union uthi akumangalisi okukhulunywa yiziphathamandla zogatsha lwezemfundo.
UNkosikazi Martha Muguti umqondisi wohlangothi lwamakolitshi emfundo yaphezulu, utshele ikhomithi yedale lephalamende ebona ngezemfundo ngoMvulo ukuthi uhulumende uyehluleka ukubhadala amakolitshi la izigidi ezingamatshumi ayisithupha zamadollar-$60 million.
UMuguti uthi lokhu kubangelwa yikuthi abazali kabenelisi ukubhadala inhlawulo yezifundo.
Uthi okwamanje amakolitshi amanengi asemise inhlelo ezinengi ezinjengokwakha izindlu zokufundela ngoba uhulumende engela mali.
Uthi lokhu kubangela inhlupho ezinengi emakolitshini lapho uhulumende ayehluleka laye ukubhadalela izifundi ezingaphansi kohlelo lwe Cadetship Scheme.
Umnu. George Chabururuka umqondisi okhangelane lezemali kugatsha lwezemfundo yaphezulu, utshele ikhomithi le ukuthi kumele uhulumende aphumele egcekeni ukuthi kasenelisi ukubhadalela izifundi kuhlelo lolu.
Uthi okwamanje uhulumende usebhadale inkulungwane eziyisikhombisa lengxenye zamadollar–$7,500 kuphela yalolu hlelo.
Uthi lokhe lumnyaka uqalileyo sebethole izigidi ezilitshumi lantathu zamadollar- $13 million yokuthuthukisa amakolotshi.
Uthi imali le kayeneli ngitsho lakancane njengoba kufuneka imali enengi yokwakha izindlu zokufundela lezinye indleko.
Umnu. Pride Mukono umqondisi we Zimbabwe National Students Union uthi akumangalisi okukhulunywa yiziphathamandla zogatsha lwezemfundo.
