Kulamajaha amathathu acatshangelwa ukuba omunye wabo udlwengule owesifazana osakhulayo njalo abantu laba batshontshe imali lempahla emavinkilini eMatorokisi eduzane leMtshabezi Mission eMatabeleland South.
Amapholisa athi asehlolisisa udaba lolu olutshiye abahlali bakulindawo bethithibele.
Ziyakhala izakhamizi, abathengisa ezitolo labanye abathi abantu laba abaziwayo babathwalise nzima. Kucatshangelwa ukuba badlwengule othengisa esitolo othi wathwala nzima ngeSonto edlulileyo ebusuku baze behlasele kulindawo lapho abatshontsha imali okungaziwayo ukuthi inengi kanganani bathatha lempahla etshiyeneyo.
Isikhulumeli samapholisa eMatabeleland South Province uInspector Loveness Mangena uthi sebebotshiwe abanye abantu laba kodwa okwamanje kafisi ukukhuluma ngakho ngoba kukhangelelwe ukuba bazamiswa emthethwandaba kusikhatshana esilandelayo. Osakhulayo othi wadlwengulwa ngabantu laba uthi omunye wamajaha la amaziyo wamenza isihluku.
"Wacina sekhipha inqamu ethi angihleki lawe mina ngiyakubulalela phezulu khonalapho ekhipha inqamu ngapha ethwele inqamu lerekeni lecalabash calabash yakhe yasala phezulu khonaphana angwazi kumbe wayithatha."
Kubikwa kuthe esinye isigelekeqe sidlwengula osakhulayo lo abanye bakhe ababili bebebamba inkunzi amavinkili akulindawo. UNkosikazi Tshengi Dube laye ulevinkili lapho ukhala ngenzalo yalindawo eyiyo ebamba inkunzi
"Uhlupho esihlangana lalo lapha ngelabantwana bethu thina esibazalayo ngezwa ngifonelwa ngumakhelwane weshop yami bengifonela ethi vuka vuka kanti umsindo ongale ngemuva awuwuzwa kobuhali sibuhlungu ngoba kunjenje esikufisayo yikuthi izakhami sibambaneni sithi singathola uhlupho olunjengalolu singamemeza samukele sihlanganeni ngingathi ngingafoni baba lapha sekunje ungabuyi ngangcono bekubulale ma kuvele kufiwa."
Ozibiza ngokuthi nguMaDawu uthi uthengisa kwelinye ivinkili okuthethwe imali yizigebenga lezi.
"Babecela I change vele bengazange bethenge bethi batshiye ichange so ngangilokhe ngibanika imali ngoba babekhipha inqamu omunye ekhipha ihloka bagade phezulu lapha befuna ukungena ngangapha nxa sivala basebeqala ukube sebetshaya isivalo sebeqala ukutshaya amawindi besuke bebhode shop yonke bejikijela izitina phakathi yikuthi sesa cleaner nje ubuzabona ukuthi kwakunjani."
UNkosazana Skhunjiwe Mpofu othengisa kwelinye njalo ivinkili uthi bamethusele wacina ebanika imali lempahla
"Bathi beqeda kuthatha ngala imali babuya baqalisa lapha batshaya ngezitina ngavuka ngaqala ngazithulela ngangahlabi umkhosi ngazitshela ukuthi abasoze bakwanise ukubuya batshaya amawindi bathe beqede ukutshaya amawindi batshaya umnyango bawutshaya kanengi nengi waze wavuleka bangena bethwele inqamu lamahloka bethi bayambulala bafuna imali."
Amasela la angenela labantu ezindlini ebatshontshela impahla yabo. UMnu. Msizi Ndlovu uthi bamngenela bamtshaya bamthathela impahla zakhe.
"Kwehlula lasemakhaya sesilala siququbele sesisesaba ukuthi senzenjani lemakhaya siyangenelwa langa mabhemba manje uhlupho esihlangana lalo ukuthi lanxa bekungenele ekhaya ngebhemba nginje mina engikhulumayo ngingenelwe ngebhemba ekhaya ngahamba ngalala ngihamba ebusuku ngaze ngayagada emtshabezi turn off ngaya reporter eGwanda emapholiseni amapholisa athi siyalandela kwahlala two weeks yonke bethe siyalandela bengabuyanga."
Umpholisa wesigaba uMnu. Jeffrey Nkomo uthi kunzima ukulwisana lezigelekeqe lezi ngoba inkamba yamapholisa ikhatshana.
"Bayabuya la bethwele izikhali ntambama ilanga litshona befike la njoba ubona izitolo ukuthi kunjani uyabona ukuthi kwenzakaleni uyabona ukuthi kunjani konke lapha iminyango ibitshaywe yavulwa umuntu lwana uvele wabavimbela ukuthi bebengela chance bahle batshaywa luvalo abantu behluleka bevele bekwazi ukuthi umuntu lo yisigebenga bahle behluleka ukuthi benzeni kubuhlungu kakhulu ngoba khonapha ungaze uthi ugijimela inkamba ukuthi uncediswe inkamba zikhatshana ungathi uyalapha bayakutshela ukuthi hambe mathendele emathendele yakhona kulomango uhamba ngonyawo uyafika late."
Elinye ipholisa lesigaba salindawo uNkosikazi Saneliso Sibanda uthi utshwala obungekho emthethweni yibo obenza intsha iphatheke ebugebengeni idinga imali yokubuthenga.
"Akuvalwe Injengu kuthengiswe bonalobana utshwala obudala esibaziyo obudulayo ngoba ukuze ayedinga utshwala obudulayo kuzathatha inyanga kumbe iviki ukuze akwanise ukuthenga straight sotshwala injengu kayivalwe sisiwonele obaba yasiwonela abantwana imizi ayisekho ichithekile ngenxa yenjengu."
UMnu. Meramisi Moyo umnewabo womunye ocatshangelwa ukuba ngomunye wezigebengu lezi utshele umsakazo weStudio 7 ukuthi sekhathele ngomnewabo ohlezi ehlukumeza izakhamizi etshontsha. Izakhamizi zithi sezidlela evalweni ngoba amajaha la enza santando esigabeni lesi ngakho-ke bafisa ukuba bevalelwe entilongweni okwesikhathi eside.
Forum