WASHINGTON DC —
Amacele womabili eMDC ayawasola kakhulu amazwi ethulwe ngumkhokheli wedale lezinduna uMnu Fortune Charumbira awokuthi inkokheli yomdabu leZanu PF yintonye.
UCharumbira wethule amazwi la emhlanganweni weZanu PF ophele ngoMgqibelo eGweru ethembisa ukuthi izinduna labosobhuku bazavotela ibandla leli.
Isivumelwano seGlobal Political Agreement sithi inkokheli yomdabu ayimelanga iphatheke kundaba zombusazwe. Kodwa uCharumbira lezinye izinduna kazikaze zifihle ukuthi zisekela iZanu PF.
Isikhulumeli seMDC ekhokhelwa nguMnu Welshman Ncube uMnu Nhlanhla Dube usole amazwi kaCharumbira esithi ngamazwi omuntu ozikhohlisayo.
"UMnu Charumbira kumele akunanzelele ukuthi ayisizo zonke izinduna ezisekela ibandla leZanu PF" kutsho uDube.
Insolo kaDube igcizelelwe nguMnu Joel Gabuza, umsekeli wesikhulumeli seMDC-T ekhokhelwa ngumnu Morgan Tsvangirai.
UCharumbira wethule amazwi la emhlanganweni weZanu PF ophele ngoMgqibelo eGweru ethembisa ukuthi izinduna labosobhuku bazavotela ibandla leli.
Isivumelwano seGlobal Political Agreement sithi inkokheli yomdabu ayimelanga iphatheke kundaba zombusazwe. Kodwa uCharumbira lezinye izinduna kazikaze zifihle ukuthi zisekela iZanu PF.
Isikhulumeli seMDC ekhokhelwa nguMnu Welshman Ncube uMnu Nhlanhla Dube usole amazwi kaCharumbira esithi ngamazwi omuntu ozikhohlisayo.
"UMnu Charumbira kumele akunanzelele ukuthi ayisizo zonke izinduna ezisekela ibandla leZanu PF" kutsho uDube.
Insolo kaDube igcizelelwe nguMnu Joel Gabuza, umsekeli wesikhulumeli seMDC-T ekhokhelwa ngumnu Morgan Tsvangirai.
