WASHINGTON DC —
Amacele aweMDC athi ibandla leZanu PF liyazikhohlisa ngokuthi yilo lodwa ibandla elilohlonzi eliseleyo kulandela ukunqotshwa kwamacele la kukhetho olwedluleyo.
Umphathintambo obona ngezemithetho uMnu Emmerson Mnangagwa utshele abasekeli beZanu PF ngempelaviki ukuthi ukunqotshwa kwamacele eMDC kufana lokuthi sefile njalo ancwatshwa.
Lo ngumbono ovezwa yiziphathamandla zeZanu PF ezinengi. Kodwa iziphathamandla zeMDC lezeMDC-T zithi abantu beZanu PF bayaziphuphela nje.
"Akusiloqiniso lokho, iMDC ikhona njalo iyaphila," kutsho isikhulumeli seMDC ekhokhelwa nguMnu Welshman Ncube, uMnu Nhlanhla Dube.
"Okutshiwo yiZanu PF kutshengisa ukungazwisisi ukuthi vele ekhethweni nxa unqobile, kuyabe kumele usebenzele abantu ngoba ungehluleka ukukwenza lokhu bayakukhipha njalo esihlalweni kukhetho oluzayo."
Lanxa iMDC kaNcube ingatholanga ngitsho lesihlalo esisodwa edale lephalamende kukhetho, ilamalunga alelidale amane ewathole phansi kohlelo lweproportional representation.
Isiphathamandla seMDC-T uMnu Abednico Bhebhe uthe ibandla leZanu PF alimelanga lizitshaye isifuba ngokunqoba amacele eMDC ngoba laqilibezela kukhetho.
"Nxa besithi iMDC sifile bayaphupha. Bazamile ukuqilibezela bazebasebenzisa imali engange$13 million ukuthi babhadale amaqili amakhulu awomhlaba wonke okuthiwa yiNikuv besenzela ukuthi bangene embusweni," kutsho uBhbehe.
Ibandla leMDC-T lona lilamalunga edale lephalamende edlula angamatshumi ayisikhombisa.
Umphathintambo obona ngezemithetho uMnu Emmerson Mnangagwa utshele abasekeli beZanu PF ngempelaviki ukuthi ukunqotshwa kwamacele eMDC kufana lokuthi sefile njalo ancwatshwa.
Lo ngumbono ovezwa yiziphathamandla zeZanu PF ezinengi. Kodwa iziphathamandla zeMDC lezeMDC-T zithi abantu beZanu PF bayaziphuphela nje.
"Akusiloqiniso lokho, iMDC ikhona njalo iyaphila," kutsho isikhulumeli seMDC ekhokhelwa nguMnu Welshman Ncube, uMnu Nhlanhla Dube.
"Okutshiwo yiZanu PF kutshengisa ukungazwisisi ukuthi vele ekhethweni nxa unqobile, kuyabe kumele usebenzele abantu ngoba ungehluleka ukukwenza lokhu bayakukhipha njalo esihlalweni kukhetho oluzayo."
Lanxa iMDC kaNcube ingatholanga ngitsho lesihlalo esisodwa edale lephalamende kukhetho, ilamalunga alelidale amane ewathole phansi kohlelo lweproportional representation.
Isiphathamandla seMDC-T uMnu Abednico Bhebhe uthe ibandla leZanu PF alimelanga lizitshaye isifuba ngokunqoba amacele eMDC ngoba laqilibezela kukhetho.
"Nxa besithi iMDC sifile bayaphupha. Bazamile ukuqilibezela bazebasebenzisa imali engange$13 million ukuthi babhadale amaqili amakhulu awomhlaba wonke okuthiwa yiNikuv besenzela ukuthi bangene embusweni," kutsho uBhbehe.
Ibandla leMDC-T lona lilamalunga edale lephalamende edlula angamatshumi ayisikhombisa.