BULAWAYO LEWASHINGTON DC —
Ingcwethi kwezombusazwe zithi inyathelo likaMongameli Robert Mugabe lokunquma ilanga lokhetho engakhulumisananga labanye abakuhulumende womanyano kujonge ukuhambela phambili umthethwandaba we Constitutional Court lapho izizalwane zakuleli ezikhweze insolo yazo ngelanga likamhlaka 31 Ntulikazi.
Ingcwethi lezi zithi njalo lelinyathelo lihlose ukuqeda amandla enkokheli zamazwe ezansi lezwekazi leAfrica awe SADC ukuthi atsho ukuthi kuyini okumele kwenziwa kungakaphathwa ukhetho.
Isaziso sikaMongameli Mugabe sokubeka ilanga lokhetho sibuye inengi lingakhangelelanga osokutshiye uzulu elensolo lokukhathazeka okukhulu ukuthi uhulumende uzakwanelisa na ukukwenza konke okumele kulungiswe ukuze kube lokhetho olulokuthula njalo olungayi kuphikiswa ngumuntu.
Isikhulumi sebandla le Movement for Democratic Change ekhokhelwa nguMnumzana Welshman Ncube, koBulawayo uMnumzana Edwin Ndlovu uthi umongameli uhlose ukwemuka izulu wakuleli ilungelo lakhe lokuba lombono ngokuphathwa kokhetho.
Uthi lanxa amandla eTemporary Powers elawo, uleqiniso ukuthi uzulu ubengakhangelelanga ukuthi angawasebenzisa ngalindlela ikakhulu ilizwe lisaya emhlanganweni we SADC njalo loludaba solukhweze emthethwandaba nguMnuzana Nixon Nyikadzino eHarare loNkosazana Brenda Phiri wakoBulawayo.
Igqwetha njalo liyingcitshi kwezomthetho wokubuswa kwelizwe, uMnumzana Kucaca Phulu, utshele umsakazo we Studio Seven ukuthi ukusetshenziswa kwamaPresidential Powers ngalindlela kungaphandle komthetho.
Izizalwane ezikhweze insolo emthemthwandaba we Constitutional Court zikhala ngokuthi ukuphatha ukhetho ngontulikazi kulakho ukuthathela uzulu amalungelo akhe ngoba kungelasikhathi sokubhalisa ukuvota, ukukhangela uluhlu lwabavotayo i voters roll kumbe isikhathi eseneleyo sokukhankasa. Akukacaci ukuthi iyozala nkomoni kulumthethwandaba laku SADC kulandela lesisimemezelo.
Umkhokheli webandla le ZAPU uMnu. Dumiso Dabengwa uthi bekufanele umongameli Mugabe aqale aoxisane lamanye amabandla ezombusazwe engakamemezeli ilanga lokhetho.
Kusenjalo, icele le MDC elikhokhelwa nguMnu. Welshman Ncube lithi amapholisa alivimbele okwesikhatshana ukuqhuba umhlangano eTsholotsho esithi ibandla leli lephule umthetho we Public Order and Security Act ngokungawazisi ngomhlangano lo kuseselesikhathi.
UMnu. Ncube utshele uSithandekile Mhlanga weStudio 7 ukuthi amapholisa aze avuma ukuthi beqhube ngalumhlangano esehambe enkambeni yeTsholotsho Police Station ngokwakhe ukuyachasisa ukuthi akulamthetho owephuliweyo.
Ungezelele wathi kusobala ukuthi umumo awukalungeli ukhetho elizweni.
Ingcwethi lezi zithi njalo lelinyathelo lihlose ukuqeda amandla enkokheli zamazwe ezansi lezwekazi leAfrica awe SADC ukuthi atsho ukuthi kuyini okumele kwenziwa kungakaphathwa ukhetho.
Isaziso sikaMongameli Mugabe sokubeka ilanga lokhetho sibuye inengi lingakhangelelanga osokutshiye uzulu elensolo lokukhathazeka okukhulu ukuthi uhulumende uzakwanelisa na ukukwenza konke okumele kulungiswe ukuze kube lokhetho olulokuthula njalo olungayi kuphikiswa ngumuntu.
Isikhulumi sebandla le Movement for Democratic Change ekhokhelwa nguMnumzana Welshman Ncube, koBulawayo uMnumzana Edwin Ndlovu uthi umongameli uhlose ukwemuka izulu wakuleli ilungelo lakhe lokuba lombono ngokuphathwa kokhetho.
Uthi lanxa amandla eTemporary Powers elawo, uleqiniso ukuthi uzulu ubengakhangelelanga ukuthi angawasebenzisa ngalindlela ikakhulu ilizwe lisaya emhlanganweni we SADC njalo loludaba solukhweze emthethwandaba nguMnuzana Nixon Nyikadzino eHarare loNkosazana Brenda Phiri wakoBulawayo.
Igqwetha njalo liyingcitshi kwezomthetho wokubuswa kwelizwe, uMnumzana Kucaca Phulu, utshele umsakazo we Studio Seven ukuthi ukusetshenziswa kwamaPresidential Powers ngalindlela kungaphandle komthetho.
Izizalwane ezikhweze insolo emthemthwandaba we Constitutional Court zikhala ngokuthi ukuphatha ukhetho ngontulikazi kulakho ukuthathela uzulu amalungelo akhe ngoba kungelasikhathi sokubhalisa ukuvota, ukukhangela uluhlu lwabavotayo i voters roll kumbe isikhathi eseneleyo sokukhankasa. Akukacaci ukuthi iyozala nkomoni kulumthethwandaba laku SADC kulandela lesisimemezelo.
Umkhokheli webandla le ZAPU uMnu. Dumiso Dabengwa uthi bekufanele umongameli Mugabe aqale aoxisane lamanye amabandla ezombusazwe engakamemezeli ilanga lokhetho.
Kusenjalo, icele le MDC elikhokhelwa nguMnu. Welshman Ncube lithi amapholisa alivimbele okwesikhatshana ukuqhuba umhlangano eTsholotsho esithi ibandla leli lephule umthetho we Public Order and Security Act ngokungawazisi ngomhlangano lo kuseselesikhathi.
UMnu. Ncube utshele uSithandekile Mhlanga weStudio 7 ukuthi amapholisa aze avuma ukuthi beqhube ngalumhlangano esehambe enkambeni yeTsholotsho Police Station ngokwakhe ukuyachasisa ukuthi akulamthetho owephuliweyo.
Ungezelele wathi kusobala ukuthi umumo awukalungeli ukhetho elizweni.