Amabandla aphikisayo athi uhulumende kaMongameli Emmerson Mnangagwa usebathwalise nzima ngesikhathi kulungiselelwa umhlangano omkhulu oweSouthern African Development (SADC) Summit eHarare.
Ibandla leCitizens Coalition for Change lamanye amabandla athi kawasavunyelwa ukwenza imihlangano okutsho ukuba sokubuswa ngentando kahulumende weZanu PF hatshi ekazulu.
Kulamalunga ebandla leli avalelwe entilongweni emelele ukuthoniswa amacala okwenza umhlangano okuthiwa wawungekho emthethweni njalo labanye abayaliswa ukuqhuba imihlangano etshiyeneyo.
Uhulumende uthi amabandla la ayazenzisa ngoba abona engani iSADC izangenele kudaba lwabo ngesikhathi kulomhlangano wayo eHarare.
UMnu. Fortune Mlalazi olandela ezombusazwe uthi akumangalisi okwenzakala eZimbabwe.
Okubandla leZanu PF, uMnu. Munashe Mtutsa, uthi bayazenzisa abaphikisayo.
Forum