EleZimbabwe lithi abantu abavela emazweni wonke akumanyano weSADC abasadingi imvumo yeVISA ukungena elizweni ngenjongo yokuthuthukisa ezokuthengiselana lamazwe la.
Lokhu kuvezwe ngumphathintambo kahulumende obona ngebudlelwano lamanye amazwe uMnu. Frederick Shava embikweni abikwa ewethule ngoLwesithathu, okwenza eleZimbabwe libe ngelakuqala ukuthatha lelinyathelo kulandela isivumelwano salumanyano ese African Continental Free Trade Area.
EleZimbabwe lithi seliqinisa njalo ukukhulumisana lamanye amazwe ngohlelo lweKaza UniVisa oluzavumela amazwe angamatshumi ayisithupha lanhlanu -65 ukuthi angene kwele Zimbabwe leZambia santanto okwenyanga eyodwa.
Ukuze sihlaziye impawu zalelinyathelo, uSithandekile Mhlanga weStudio 7 uxoxe loMnu. Kucaca Phulu, ingcwethi ehlaziya ezemithetho, njalo elilunga ledale lephalamende.
