HARARE —
Ukusetshenziswa kwabesifazane ukuthwala okudakayo kanye labantu bekusa kwamanye amazwe ikakhulu awezwekazi le Asia kubikwa sekuqonga ezwekazi leAfrica okugoqela eleZimbabwe elisetshenziswa njengendlela yokudlulisa okudakayo lokhu kusiya kwamanye amazwe angomakhelwane.
Lokhu kubikwa kubangelwa ngumumo omubi wezomnotho elizweni njengoba inengi lingelakho elingakwenza ukuziphilisa.
Sekuvele ukuba abesifazana beZimbabwe labo sebesetshenziswa kakhulu ngabakwamanye amazwe, ukuthwala okudakayo bekusa emazweni kuleli bhizimusi lokuthengiswa kokudakayo kanye labantu.
Unkosikazi Shelly Sithole ongumsekeli womqondisi kuhlangothi olubona ngezemikhuhlane ehlasela inqondo uveze ukuba lokhe lusanda loludubo lwabesifazane abasetshenziswa ukuthwala izidakamizwa ukuzisa kwamanye amazwe.
USithole uxwayisa abesifazane ukuba bekwehlukane lomkhuba lo bangaze bavumela abaphatheke kulelibhizimusi lokuthengisa okudakayo bebasebenzisa ngoba isiphetho yibo ababotshwayo loba ukubulawa lapho sebebanjiwe.
U Dumisani Dube ungosakhulayo njalo eyisakhamuzi semzini ohlala abalutshwana we Avondale e Harare. UDube uxwayisa omama laba ukuba badinge ezinye indlela zokuziphilisa behlukane lomkhuba wokuvuma ukusetshenziswa ukuqhuba imisebenzi yokuthengisa okudakayo.
Umfundisi Wyson Dutch ukhokhela inhlanganiso ye Bible Ministries ephatheke kundaba zokuphathisana lozulu okubalisa ukucebisa abaza kuyo belendubo ezehlukeneyo.
U Dutch uveze ukuba useke wahlangana lendaba eziphathelene lalabo abasetshenziswa ukuthwala okudakayo kanye labantu ngenhloso yokuyathengisa.
Uveze ukuba kumvelele yena mathupha ngoba indodana yakhe esileminyaka engamatshumi amabili lasikhombisa ike yangena kunkinga yokusebenza lomunye umama angathandanga ukumbetha igama ngoba esesabela umtanakhe ukuba uzangena enkingeni.
Ekuqaleni umtanakhe ungeniswe kuleli bhizimusi ngulowo mama engazi ngoba ubesetshenziswa ukuphatha eminye imisebenzi kodwa waphetha ngokungena kwezokuthengiswa kwezidakamizwa kuveza umfundisi Dutch.
Uqhubeke ethi umumo kwezomnotho, ungokukunye osekubangela ukuba bande abaphatheka emsebenzini omubi wokuthengisa okungavunyelwa ngumthetho.
Ngeviki ephelileyo, ingcwethi kwezempilakahle kanye labezomthetho enhlanganisweni ye African Union, umhlangano wokubonisana phezu kwendlela ezingasetshenziswa ukuvimba ukuqhela kwaloludubo lokuthengiswa kokudakayo kanye labantu.
Kuvunyelenwe kulomhlangano ukuba sekudinga ukusebenzelana kwabohulumende bamazwe awezwekazi le Africa ekulwisaneni laloludubo lokuthengiswa kokudakayo.
Bathi le kuyiyona nsika yendubo ezinengi okubalisa ubugebengu,ukuphazanyiswa kwezombusazwe emazweni, ukungathembeki, ukuqhela kokwanda kwemikhuhlane ethelelanwayo okufana legciwane kanye lengculaza kanye lokuqhamuka kwempi emazweni amanengi.
Babikwa bembalwa omama beZimbabwe asebethe babotshwa ngesikhathi bengena kwamanye amazwe ngemva kokuba betholakale bethwele izidakamizwa bezingenisa kulawo mazwe okubalisa ele China lase India.
Unkosikazi Lydia Ndari Murwira kanye lonkosazana Ella Ncube bebotshwe nyakenye egcekeni le Indira Gandhi International Aiport kwele India.
Lokhu kubikwa kubangelwa ngumumo omubi wezomnotho elizweni njengoba inengi lingelakho elingakwenza ukuziphilisa.
Sekuvele ukuba abesifazana beZimbabwe labo sebesetshenziswa kakhulu ngabakwamanye amazwe, ukuthwala okudakayo bekusa emazweni kuleli bhizimusi lokuthengiswa kokudakayo kanye labantu.
Unkosikazi Shelly Sithole ongumsekeli womqondisi kuhlangothi olubona ngezemikhuhlane ehlasela inqondo uveze ukuba lokhe lusanda loludubo lwabesifazane abasetshenziswa ukuthwala izidakamizwa ukuzisa kwamanye amazwe.
USithole uxwayisa abesifazane ukuba bekwehlukane lomkhuba lo bangaze bavumela abaphatheke kulelibhizimusi lokuthengisa okudakayo bebasebenzisa ngoba isiphetho yibo ababotshwayo loba ukubulawa lapho sebebanjiwe.
U Dumisani Dube ungosakhulayo njalo eyisakhamuzi semzini ohlala abalutshwana we Avondale e Harare. UDube uxwayisa omama laba ukuba badinge ezinye indlela zokuziphilisa behlukane lomkhuba wokuvuma ukusetshenziswa ukuqhuba imisebenzi yokuthengisa okudakayo.
Umfundisi Wyson Dutch ukhokhela inhlanganiso ye Bible Ministries ephatheke kundaba zokuphathisana lozulu okubalisa ukucebisa abaza kuyo belendubo ezehlukeneyo.
U Dutch uveze ukuba useke wahlangana lendaba eziphathelene lalabo abasetshenziswa ukuthwala okudakayo kanye labantu ngenhloso yokuyathengisa.
Uveze ukuba kumvelele yena mathupha ngoba indodana yakhe esileminyaka engamatshumi amabili lasikhombisa ike yangena kunkinga yokusebenza lomunye umama angathandanga ukumbetha igama ngoba esesabela umtanakhe ukuba uzangena enkingeni.
Ekuqaleni umtanakhe ungeniswe kuleli bhizimusi ngulowo mama engazi ngoba ubesetshenziswa ukuphatha eminye imisebenzi kodwa waphetha ngokungena kwezokuthengiswa kwezidakamizwa kuveza umfundisi Dutch.
Uqhubeke ethi umumo kwezomnotho, ungokukunye osekubangela ukuba bande abaphatheka emsebenzini omubi wokuthengisa okungavunyelwa ngumthetho.
Ngeviki ephelileyo, ingcwethi kwezempilakahle kanye labezomthetho enhlanganisweni ye African Union, umhlangano wokubonisana phezu kwendlela ezingasetshenziswa ukuvimba ukuqhela kwaloludubo lokuthengiswa kokudakayo kanye labantu.
Kuvunyelenwe kulomhlangano ukuba sekudinga ukusebenzelana kwabohulumende bamazwe awezwekazi le Africa ekulwisaneni laloludubo lokuthengiswa kokudakayo.
Bathi le kuyiyona nsika yendubo ezinengi okubalisa ubugebengu,ukuphazanyiswa kwezombusazwe emazweni, ukungathembeki, ukuqhela kokwanda kwemikhuhlane ethelelanwayo okufana legciwane kanye lengculaza kanye lokuqhamuka kwempi emazweni amanengi.
Babikwa bembalwa omama beZimbabwe asebethe babotshwa ngesikhathi bengena kwamanye amazwe ngemva kokuba betholakale bethwele izidakamizwa bezingenisa kulawo mazwe okubalisa ele China lase India.
Unkosikazi Lydia Ndari Murwira kanye lonkosazana Ella Ncube bebotshwe nyakenye egcekeni le Indira Gandhi International Aiport kwele India.