Abenhlanganiso yabongi eyeZimbabbwe Nurses Association (ZINA) bathi amalunga abo awasoze engeze amalanga okusebenza ngoba uhulumende kalandelanga izithembiso zakhe njalo besaba ukuba lomkhuhlane weCOVID-19.
Abongi bakhala ngokuthi bayancindezelwa nxa kuthiwa bengeze amalanga okusebenza esibhedlela bona bengatholiswa iholo elenelayo.
UMnu. Antony Majongosi, umngcinisihlalo weZINA koBulawayo, uthi isivumelwano sabo lohulumende esokuthi bazasebenza amahola athize siqhubekela phambili ngoba izithembiso zabo zingafezwanga.
“Ukuhamba kwethu kuma flex hours sahambela ukuthi sakhuluma leGovernment ukuthi sifuna imali ukuthi ibe according to interbank rate. So, sifuna imali injalo yikho sihamba kuma flex hours lawana, ICOVID yabuya then bathi siyekele ukwenza amahours lawana unless iGovernment isinike imali leyana nge interbank rate khonapho futhi sifuna ukuthi kube leprotective clothing ekwanileyo kodwa futhi sifuna ama allowance amahealth workers ukuthi sithole imali ekwanayo because sokusethesa emsebenzini. Sifuna ukuthi sibe lesikhathi esincane emsebenzini ngoba singahlana isikhathi eside esibhedlela siyabanjwa ngumkhuhlane lowu. Amaflex hours siyaqhubekela phambili ngoba igovernment ayisinikanga imali.”
Umongi, uMnu. Senzeni Sithole, uthi kunzima ukukwamukela lokhu.
“Kunzima ukusebenza khathesi esibhedlela ngoba siyawesaba umkhuhlane weCOVID 19 ngoba singela mpahla zokuvikela eziqondileyo ngakho ukuthi kwengezwe amalanga okusebenza kunxele kithi. Satsho esikufunayo kuhulumende kodwa lokhu lokhe kungakafezwa ngakho asisoze senza into efaka impilo zethu engozini sizaqhubeka sisebenza ngendlela esavumelana ngayo .”
Isakamuzi sako Bulawayo, uNkosikazi Rebbeca Nyoni, uthi omongi basengozini enkulu ngakho kumele bananzwe kuqala.
UDokotela Paulinus Sikhosana, okunhlanganiso eqhatsha odokotela labongi, kaphendulanga umakhalekhukhwini wakhe ngesikhathi simdinga.
