HARARE —
Inhlanganiso emela intathelizindaba eye Zimbabwe Union of Journalists ithi ikhathazekile ngomumo wezinto kunkampani yemisakazo eye ZBC ehluleka ukubhadala izisebenzi iholo ngesikhathi.
Ephendula umbuzo kuloludaba emhlanganweni lentathelizindaba lamhlanje unobhala jikelele we ZUJ umnumzana Foster Dongozi wazise ukuba udaba lwezisebenzi ze ZBC luyabakhathaza ukululungisisa ngoba kukhanya lezisebenzi zisesaba ukuphuma egcekeni ngokwenzakalayo:
Uthi imizamo yabo ibafikise lasemahofisini eziphathamandla ezifana lonobhala kugatsha lwezembiko lomphathintambo wakhona bebatshela ukuba linhlanganiso aisiyo yodwa ebhekana lobunzima kwabezindaba wathi lenhlanganiso ezimela izisebenzi zama workers committee lazo zikhanya zisesaba ngoba zixotshwa emisebenzini okungazwisisekiyo.
Kunjalonje iZUJ yazise ngamabizo entatheli ezizangena kumncintisano we National Journalistic and Media Awards ozakwenziwa zimhla ka 11 kuyonale inyanga eHarare. uDongozi uthi lumncinthiswano ukhanya usiya ukhula :
Umnumzana Nigel Nyamutumba obona ngokuqutshwa kwemisebenzi ku ZUJ uthi umncintisano we NJAMA uyaphathisa kakhulu ukuthuthukiswa umsebenzi wabezindaba kunye lempilo yentathelizindaba kuleli:
Umncintisano walonyaka uzaqhutshwa phansi kwesihloko esithi Ubuntu/Hunhu esikhuthaza ukulandelwa kobuntu kundlela intatheli ezisebenza ngayo kungela zenzo ezisolekayo njalo uzakhuthaza ukuba abantu begqoke lezambatho zesintu ngalolosuku.
Dongozi uthi bakhethe ukunxusa umongameli wenhlanganiso yantatheli wamazwe awezwekazi le Africa ukuzokhona emkhosini lo ethi benelise ukuthola abangabaphathisa ngemali yokuqhuba lumkhosi abatsha bengezelela lezigaba ezehlukeneyo okumele zincintiswe ezigoqela lomvuzo oza intatheli eloba ngokuphathelane lelungelo labantwana.
Kunjalo nje, umphathintambo wezeokuqutshwa kwemibiko, uMnu. Jonathan Moyo ubikwa ethembise iziphathamandla zeZBC ukuzixotsha nxa zingalungisisanga udaba lweholo lezisebenzi esezilenyanga ezithile zingaholi.
UMoyo utshele intathelizindaba ngeviki edluleyo ukuthi selokhu waba ngumphathintambo wezemibiko kakakhulumisani leziphathamandla zalinkampani wathi lokhu kutshengisa ukuthi kazifuni ukuthi loludaba lulungisiwe. Abazi ngokwenzakalayo emsakazweni lo bathi okubangela udubo yikuthi imisebenzi kayiqutshwa njengenkampani kodwa iphathwa njengengxenye yebandla leZanu PF.
Ukuze siziswe udaba lwezisebenzi zomsakazo we ZBC siphinde sixoxe kabanzi lonobhala jikelele we Zimbabwe Union of Journalists, uMnu. Foster Dongozi othi baphakathi kwemizamo yokukhulunmisana leziphathamandla zalinkampani.
Ephendula umbuzo kuloludaba emhlanganweni lentathelizindaba lamhlanje unobhala jikelele we ZUJ umnumzana Foster Dongozi wazise ukuba udaba lwezisebenzi ze ZBC luyabakhathaza ukululungisisa ngoba kukhanya lezisebenzi zisesaba ukuphuma egcekeni ngokwenzakalayo:
Uthi imizamo yabo ibafikise lasemahofisini eziphathamandla ezifana lonobhala kugatsha lwezembiko lomphathintambo wakhona bebatshela ukuba linhlanganiso aisiyo yodwa ebhekana lobunzima kwabezindaba wathi lenhlanganiso ezimela izisebenzi zama workers committee lazo zikhanya zisesaba ngoba zixotshwa emisebenzini okungazwisisekiyo.
Kunjalonje iZUJ yazise ngamabizo entatheli ezizangena kumncintisano we National Journalistic and Media Awards ozakwenziwa zimhla ka 11 kuyonale inyanga eHarare. uDongozi uthi lumncinthiswano ukhanya usiya ukhula :
Umnumzana Nigel Nyamutumba obona ngokuqutshwa kwemisebenzi ku ZUJ uthi umncintisano we NJAMA uyaphathisa kakhulu ukuthuthukiswa umsebenzi wabezindaba kunye lempilo yentathelizindaba kuleli:
Umncintisano walonyaka uzaqhutshwa phansi kwesihloko esithi Ubuntu/Hunhu esikhuthaza ukulandelwa kobuntu kundlela intatheli ezisebenza ngayo kungela zenzo ezisolekayo njalo uzakhuthaza ukuba abantu begqoke lezambatho zesintu ngalolosuku.
Dongozi uthi bakhethe ukunxusa umongameli wenhlanganiso yantatheli wamazwe awezwekazi le Africa ukuzokhona emkhosini lo ethi benelise ukuthola abangabaphathisa ngemali yokuqhuba lumkhosi abatsha bengezelela lezigaba ezehlukeneyo okumele zincintiswe ezigoqela lomvuzo oza intatheli eloba ngokuphathelane lelungelo labantwana.
Kunjalo nje, umphathintambo wezeokuqutshwa kwemibiko, uMnu. Jonathan Moyo ubikwa ethembise iziphathamandla zeZBC ukuzixotsha nxa zingalungisisanga udaba lweholo lezisebenzi esezilenyanga ezithile zingaholi.
UMoyo utshele intathelizindaba ngeviki edluleyo ukuthi selokhu waba ngumphathintambo wezemibiko kakakhulumisani leziphathamandla zalinkampani wathi lokhu kutshengisa ukuthi kazifuni ukuthi loludaba lulungisiwe. Abazi ngokwenzakalayo emsakazweni lo bathi okubangela udubo yikuthi imisebenzi kayiqutshwa njengenkampani kodwa iphathwa njengengxenye yebandla leZanu PF.
Ukuze siziswe udaba lwezisebenzi zomsakazo we ZBC siphinde sixoxe kabanzi lonobhala jikelele we Zimbabwe Union of Journalists, uMnu. Foster Dongozi othi baphakathi kwemizamo yokukhulunmisana leziphathamandla zalinkampani.
