BULAWAYO —
Abamaphephandaba lemisakazo sebekhuthazwe ukwenza umsebenzi ngendlela eyakha isizwe ikakhulu lapho kukhulunywa ngabesifazana hatshi ukubagcona njalonje okwenza besabe njalo bathikaze ukungena kwezombusazwe kumbe kwezamabhizimisi.
Indatshana zabesifazana abangela nhlonipho, abathakathayo kumbe njalo abangamabele endlela sezaba yinsakavukela umchilo wesidwaba lapho umuntu ethe wavula amaphephandaba kumbe imisakazo.
Zikhona njalo ezinye ezilandisa ngabesifazana abatshaywa , nsukuzonke okwengungu yabetshabi, kumbe babulawe ngomkabo.
Lanxa bekhona abesifazana abasebenza gadalala ikakhulu kwezombusazwe lakumabhizimisi beselela imuli zabo, lokhu intathelizindaba zikutshaya indiva lapho zibhala ngabesifazana.
Inhlanganiso ekhangela ukusebenza kwamaphephandaba lemisakazo kuleli, iVoluntary Media Council of Zimbabwe isikhuthaze intathelizindaba ukwenza umsebenzi ngendlela kulandelwa izimiso ezibekiweyo ama Ethics, agoqela ukubhala ngabesifazana ngendlela eqondileyo.
Lenhlanganiso ezikhangela amalungelo abesiifazana njenge Gender Links zihlezi zicubungula ukuphathwa kwabesifazana zisithi indlela abavezwa ngayo emisakazweni lamaphephandaba yenza kubenzima ukuthi baqhube kuhle kwezombusazwe kumbe kumabhizimisi.
Kulezi insuku sokuqhamuke umkhuba wokukhipha impikitsha kumbe ama Video abesifazana abadumileyo besensitha kumbe besemacansini isabalale kumaphephandaba lasebulenjini be Internet.
Okhangela amalungelo abesifazana, uNkosikazi Fungisai Dube, uthi abesifazana ikakhulu abadumileyo kumele bahambe ngonanzelelo ngoba kukhanya angathi abemisakazo lamaphephandaba bahlezi bebanxwanele ukuthi lapho bethe benza iphutha ahle abaveze.
Wengeze esithi amaphephandaba kulezi insuku akhangele kuphela ukuthi angathengwa njani ngobunengi, ebesesebenzisa abesifazana ukukwenza lokhu enganaki ukuthi abhidliza njani isithunzi salaba bantu kanye lemuli zabo.
Lanxa abanye besithi lasendulo owesifazana wayevele engami emphakathini, babetsho abadala ukuthi intandane enhle ngumakhothwa ngunina ngoba benanzelela ukuthi owesifazana uyawuphatha umuzi eselela imuli yakhe.
Lamhla kukhulunywa ngokulinganiswa kwamathuba, abesifazana baphatheke kunhlangothi zonke zelizwe kodwa lokhu akukhanyi lapho umuntu ethe wavula umsakazo kumbe amaphephandaba.
Okhangela amalungelo abesifazana, uNkosikazi Belinda Ncube, uthi owesifazana ukuze anconywe empakathini kuyabe kumele asebenze okuphindwe kabili loba kathathu nxa kuqathaniswa lomsebenzi owenziwa ngabesilisa.
Uthi kulula nje ukuthi owesilisa azithole ephakanyiswa ngabamaphephandaba kodwa owesifazana kulula nje ukuthi azithole egconwa ngephutha elincane nje ayabe ethe walenza.
Ummeli weBulawayo East, edale lephalamende, uNkosazana Tabitha Khumalo, uthi imisebenzi emihle yabesifazana amaphephandaba ayitshaya indiva, kodwa kuthi lapho bethe batshayana ezitaladeni, kuthiwa babanjwe bethakatha kumbe bebanjwe befeba lowesilisa kugcwala indawana yonke nje kube yindaba egudwini kuthiwe ngonondindwa abadiliza imizi yabantu.
Uthi intathelizindaba zisuka zigcone abesifazana njalonje kungani akula okuhle abakwenzayo kuthi abesilisa bavezwe bengabantu abalungileyo njalonje, ingilosi uqobo.
Osakhulayo, uNkosazana Rebecca Masuku, uthi kuqakathekile ukuthi abesifazana abalohlonzi basukumele phezulu ukuze kuthi lapho kulotshwa ngabesifazana babelelizwi elizwakalayo.
Uthi kuqakathekile ukuthi kubelabesifazana abakhokhelayo kumisakazo le lakumaphephandaba.
UMasuku uqhubeke ethi ukululazwa lokunqunulwa kwabesifazana emisakazweni lakumaphephandaba kwenza abasakhulayo besabele khatshana ukungena kwezombusazwe kumbe ukuthikaza ukuba ngosomabhizimisi.
Lanxa nje kulezimiso ezinengi elizweni ezikhangela ngokulinganiswa kwamathuba abesilisa labesifazana, kanye lokuthi abemisakazo lamaphephandaba babaphatha njani, okugoqela iNational Gender Policy, akula olandela lezizinqumo okutsho ukuthi usesemkhulu umsebenzi odingakalayo ukuze abesifazana labo bakhanye bengabantu emphakathini.
Indatshana zabesifazana abangela nhlonipho, abathakathayo kumbe njalo abangamabele endlela sezaba yinsakavukela umchilo wesidwaba lapho umuntu ethe wavula amaphephandaba kumbe imisakazo.
Zikhona njalo ezinye ezilandisa ngabesifazana abatshaywa , nsukuzonke okwengungu yabetshabi, kumbe babulawe ngomkabo.
Lanxa bekhona abesifazana abasebenza gadalala ikakhulu kwezombusazwe lakumabhizimisi beselela imuli zabo, lokhu intathelizindaba zikutshaya indiva lapho zibhala ngabesifazana.
Inhlanganiso ekhangela ukusebenza kwamaphephandaba lemisakazo kuleli, iVoluntary Media Council of Zimbabwe isikhuthaze intathelizindaba ukwenza umsebenzi ngendlela kulandelwa izimiso ezibekiweyo ama Ethics, agoqela ukubhala ngabesifazana ngendlela eqondileyo.
Lenhlanganiso ezikhangela amalungelo abesiifazana njenge Gender Links zihlezi zicubungula ukuphathwa kwabesifazana zisithi indlela abavezwa ngayo emisakazweni lamaphephandaba yenza kubenzima ukuthi baqhube kuhle kwezombusazwe kumbe kumabhizimisi.
Kulezi insuku sokuqhamuke umkhuba wokukhipha impikitsha kumbe ama Video abesifazana abadumileyo besensitha kumbe besemacansini isabalale kumaphephandaba lasebulenjini be Internet.
Okhangela amalungelo abesifazana, uNkosikazi Fungisai Dube, uthi abesifazana ikakhulu abadumileyo kumele bahambe ngonanzelelo ngoba kukhanya angathi abemisakazo lamaphephandaba bahlezi bebanxwanele ukuthi lapho bethe benza iphutha ahle abaveze.
Wengeze esithi amaphephandaba kulezi insuku akhangele kuphela ukuthi angathengwa njani ngobunengi, ebesesebenzisa abesifazana ukukwenza lokhu enganaki ukuthi abhidliza njani isithunzi salaba bantu kanye lemuli zabo.
Lanxa abanye besithi lasendulo owesifazana wayevele engami emphakathini, babetsho abadala ukuthi intandane enhle ngumakhothwa ngunina ngoba benanzelela ukuthi owesifazana uyawuphatha umuzi eselela imuli yakhe.
Lamhla kukhulunywa ngokulinganiswa kwamathuba, abesifazana baphatheke kunhlangothi zonke zelizwe kodwa lokhu akukhanyi lapho umuntu ethe wavula umsakazo kumbe amaphephandaba.
Okhangela amalungelo abesifazana, uNkosikazi Belinda Ncube, uthi owesifazana ukuze anconywe empakathini kuyabe kumele asebenze okuphindwe kabili loba kathathu nxa kuqathaniswa lomsebenzi owenziwa ngabesilisa.
Uthi kulula nje ukuthi owesilisa azithole ephakanyiswa ngabamaphephandaba kodwa owesifazana kulula nje ukuthi azithole egconwa ngephutha elincane nje ayabe ethe walenza.
Ummeli weBulawayo East, edale lephalamende, uNkosazana Tabitha Khumalo, uthi imisebenzi emihle yabesifazana amaphephandaba ayitshaya indiva, kodwa kuthi lapho bethe batshayana ezitaladeni, kuthiwa babanjwe bethakatha kumbe bebanjwe befeba lowesilisa kugcwala indawana yonke nje kube yindaba egudwini kuthiwe ngonondindwa abadiliza imizi yabantu.
Uthi intathelizindaba zisuka zigcone abesifazana njalonje kungani akula okuhle abakwenzayo kuthi abesilisa bavezwe bengabantu abalungileyo njalonje, ingilosi uqobo.
Osakhulayo, uNkosazana Rebecca Masuku, uthi kuqakathekile ukuthi abesifazana abalohlonzi basukumele phezulu ukuze kuthi lapho kulotshwa ngabesifazana babelelizwi elizwakalayo.
Uthi kuqakathekile ukuthi kubelabesifazana abakhokhelayo kumisakazo le lakumaphephandaba.
UMasuku uqhubeke ethi ukululazwa lokunqunulwa kwabesifazana emisakazweni lakumaphephandaba kwenza abasakhulayo besabele khatshana ukungena kwezombusazwe kumbe ukuthikaza ukuba ngosomabhizimisi.
Lanxa nje kulezimiso ezinengi elizweni ezikhangela ngokulinganiswa kwamathuba abesilisa labesifazana, kanye lokuthi abemisakazo lamaphephandaba babaphatha njani, okugoqela iNational Gender Policy, akula olandela lezizinqumo okutsho ukuthi usesemkhulu umsebenzi odingakalayo ukuze abesifazana labo bakhanye bengabantu emphakathini.