Abenhlanganiso ebona ngezentuthuko, eye ZIMCODD babe lomhlangano welanga elilodwa labenhlanganiso ezenhlangothi ezitshiyeneyo zempilo, wokuhluza umbiko owethulwe luhlangothi olubona ngokusetshenziswa kwemali kahulumende oluka Auditor general lomnyaka odluleyo ka 2018.
Umqondisi weZimcodd, uNkosikazi Janet Zhou uthi babone kuqakathekile ukuqoqa lumhlangano ngoba umbiko kaAuditor General umumethe okunengi okuphathelane lokusetshenjiswa kwemali ka zulu.
[I auditor general report leyi ilendaba ezinengi ezivela kuma parastatals ,kuma local authorities lokunye okunjalo mayelana le mismanagement eyama resources kumbe ama public finances so njenge zimcodd senza I analysis ukuthi sibone ukuthi imali zika zulu kade zihamba njani ikakhulu ku ma ministries laku ma government departments.]
Umqondisi wenhlanganiso yezakhamizi zeChitungwiza eyeManyame Residents Association, umnumzana Marvelous Khumalo uthi kuyadanisa ukuba lumbiko uveza ukuba kulezimali okumele zisebenzele uzulu kodwa zicina zitholakala ezikhwameni ezingayisizo.
[Izimali lezi ezinengi zifuze ziye yenza ukuthi I development lenhlalakahle yabantu I phumelele kodwa sibona ukuthi izimali lezi ezinengi zicina zitshontshwa siyabona khathesi abantu abasebenzayo kudala ama pensioners abasakwanisi ukuthi bawathole kuhle ngoba seatshona e bhenkini okungamanga kuhle.]
Uqhubeke ethi ezinye zalezimali yizo kumele zisetshenjiswe ukwakha imigwaqo, izikolo lezibhedlela. Ilunga le dale le phalamende elake lakhokhela I commiittee yedale ebona ngokusetshenjiswa kwemali, Unkosikazi Priscila Misihairambwi Mushonga uthi kuqakathekile ukuthi abantu beluhluze loludaba lucace.
[Ngiyajabula ngoba kuqakathekile ukuthi abantu be khulume sizwisise ukuthi izimali ezinje okuphuma ema phepheni zidliwa ngobani ,ziya ngaphi .Ngifisa ukuthi imihlangano enje ifike la ku zulu I phume ema hoteleni sihambe siye e tsholotsho ,ifike lase chendambuya ukuze abantu baqalise ukuzwisisa ukuthi manxa silohulumende uhulumende uyenzani.]End of act.
Okwesikhathi eside njengedale uNkosikazi Mushonga uthe bebehlangana lemibiko lapha lalaphaya etshengisa ukutshaphazwa kwemali kodwa kungela manyathelo athathwayo ngakhoke uthi sokumele kudingwe indlela ezizwayo zokulungisisa loludaba.
Lumhlangano owe Public Finance Management reform Indaba, ungenwe ngabenhlanganiso ezizimeleyo ezitshiyeneyo ezimela amalungelo oluntu, abeZimcodd, inhlanganiso ezimela izakhamizi, lamalunga edale lephalamende.
