Iziphathamandla zikahulumende ezigoqela umphathintambo obona ngokusetshenziswa kwemali yelizwe, uMnu. Mthuli Ncube, usibalukhulu webhanga elikhulu lelizwe eleReserve Bank of Zimbabwe labanye basemihlanganweni omkhulu wokuhlaziya umumo womnotho womhlaba wonke jikelele lamazwe eyeIMF-World Bank Spring Meetings eWashington DC.
Usibalukhulu webhanga leRBZ, uMnu. John Mushayavanhu, usemhlanganweni lo okokuqala selokhu engene esikhundleni lesi.
UMushayavanhu esanda kungena esikhundleni wethulele abantu bakwele Zimbabwe uhlobo lwemali owe-Zimbabwe Gold (ZiG), ethakazelelwa ngabakubandla elibusayo. Imali le okwamanje itholakala ebulenjini bokuxhumana.
Kukhangelelwe ukuba uzakhulumisana labe IMF labe World Bank ngesikwelede seZimbabwe. Kambe kuzaphumani kunkulumo ezizakwenziwa ngabe Zimbabwe leziphathamandla zamabhanga la? Ukuze sihlaziye udaba lolu, sixoxe loMnu. Partson Sibanda, okubandla elibusayo othakazelela ukuhlolisisa ezomnotho.
UMnu. Rejoice Ngwenya, ingcwethi ecubungula ezomnotho ekunhlanganiso yeCommon Market for Liberal Solutions.
UMnu. Rejoice Ngwenya ingcwethi kwezenotho okunhlanganiso yeCommon Market for Liberal Solutions uthi kuqondile ukuba abeZimbabwe bengene imihlangano le lobanje kungakhanyi kahle okuzakwenzakala emihlangenweni le.
Forum