JOHANNESBURG —
Izizalwane zeZimbabwe ezihlala kwele South Africa zithi inhlupho zokwengezelela iminyaka emaphepheni azo okuhlala elizweni ngokusemthethweni kukhanya sekusiba nzima okwedlulisa amalawulo ngemva kokuqhutshwa kokhetho eZimbabwe.
Abazama ukwengezelela iminyaka encwadini zabo zokusebenza bathi kakula mpendulo ecacayo kukanti abaphethe incwadi zokuphephela bathi kabasangezelelwa amalanga ngoba kuthiwa isimo sesilungile eZimbabwe.
Inhlupho kwezomnotho lezombusazwe eZimbabwe eminyakeni elitshumi edluleyo, zenze izinkulungwane zezizalwane zeZimbabwe zabalekela kwele South Africa.
Ubufakazi obebusegceleni ngokuhlukuluzwa kwezombusazwe kwalabo abebephikisana lebandla leZanu PF, benza kwabalula ukuthola incwadi zokuphephela kwele South Africa. Ngo 2010 babebalelwa kunkulungwaneni ezingamakhulu amane (400,000) abeZimbabwe abasebephiwe incwadi zokuphephela eSouth Africa.
Ngenxa yokuba abanengi bavele bangena bazihlalela elizweni ngokungekho emthethweni, ngo 2010 babizwa baphiwa incwadi zokusebenza, ukuqhuba amabhizimusi lokufunda kwele South Africa okweminyaka emine. Bacina sebefike inkulungwane phose ezingamakhulu amathathu abaphiwa lezi incwadi (275 000).
Izizalwane zeZimbabwe zitshele iStudio 7 ukuthi konke lokhu sekuguqukile selokhu kuqhutshwe ukhetho lwamhlaka 31 Ntulikazi lonyaka eZimbabwe.
Omunye wezizalwane zeZimbabwe osebenza kwele South Africa unkosazana Suzan Moyo, uthi abaphethe incwadi zokuphephela bathwele amagabha avuzayo njengoba sekunzima ukuthi bengezelelwe amalanga.
Umnumnzana Bekezela Ndlovu yena uthi labo abebe phiwe amapermit eminyaka emine okusebenza lokuqhuba amabhizimusi ngesikhathi soxolo ngo 2010, labo bahlalele evalweni njengoba kukhanya sengathi kawasoke avuselelwe nxa esephelelwe yiminyaka.
Ngakolunye uhlangothi unkosazana Nomalanga Dlamini uthi ungomunye wabavele sebesebunzimeni njengoba wayephiwe iminyaka emithathu ngoba yikho okwakuphelela khona iphasipoti yakhe kwasekuthiwa omunye uzakwengezelelwa eselethe iphasipoti entsha. Lobanje entsha eseyilethile, uthi sekuthiwa sekutshe amaqatha kwasama isobho.
Unkosazana Suzan Moyo uthi bonke lobubunzima sebuphe amapholisa igunya lokuthi hamba sihambe umphako nguwe.
Ngakolonye uhlangothi sekuphele inyanga iStudio 7 ilokhu izama ukuthola ukuphawula kogatsha lwendaba zasekhaya ngalezi inhlupho kodwa kulokhu kusehlula ukuthi impendulo iphume.
Abazama ukwengezelela iminyaka encwadini zabo zokusebenza bathi kakula mpendulo ecacayo kukanti abaphethe incwadi zokuphephela bathi kabasangezelelwa amalanga ngoba kuthiwa isimo sesilungile eZimbabwe.
Inhlupho kwezomnotho lezombusazwe eZimbabwe eminyakeni elitshumi edluleyo, zenze izinkulungwane zezizalwane zeZimbabwe zabalekela kwele South Africa.
Ubufakazi obebusegceleni ngokuhlukuluzwa kwezombusazwe kwalabo abebephikisana lebandla leZanu PF, benza kwabalula ukuthola incwadi zokuphephela kwele South Africa. Ngo 2010 babebalelwa kunkulungwaneni ezingamakhulu amane (400,000) abeZimbabwe abasebephiwe incwadi zokuphephela eSouth Africa.
Ngenxa yokuba abanengi bavele bangena bazihlalela elizweni ngokungekho emthethweni, ngo 2010 babizwa baphiwa incwadi zokusebenza, ukuqhuba amabhizimusi lokufunda kwele South Africa okweminyaka emine. Bacina sebefike inkulungwane phose ezingamakhulu amathathu abaphiwa lezi incwadi (275 000).
Izizalwane zeZimbabwe zitshele iStudio 7 ukuthi konke lokhu sekuguqukile selokhu kuqhutshwe ukhetho lwamhlaka 31 Ntulikazi lonyaka eZimbabwe.
Omunye wezizalwane zeZimbabwe osebenza kwele South Africa unkosazana Suzan Moyo, uthi abaphethe incwadi zokuphephela bathwele amagabha avuzayo njengoba sekunzima ukuthi bengezelelwe amalanga.
Umnumnzana Bekezela Ndlovu yena uthi labo abebe phiwe amapermit eminyaka emine okusebenza lokuqhuba amabhizimusi ngesikhathi soxolo ngo 2010, labo bahlalele evalweni njengoba kukhanya sengathi kawasoke avuselelwe nxa esephelelwe yiminyaka.
Ngakolunye uhlangothi unkosazana Nomalanga Dlamini uthi ungomunye wabavele sebesebunzimeni njengoba wayephiwe iminyaka emithathu ngoba yikho okwakuphelela khona iphasipoti yakhe kwasekuthiwa omunye uzakwengezelelwa eselethe iphasipoti entsha. Lobanje entsha eseyilethile, uthi sekuthiwa sekutshe amaqatha kwasama isobho.
Unkosazana Suzan Moyo uthi bonke lobubunzima sebuphe amapholisa igunya lokuthi hamba sihambe umphako nguwe.
Ngakolonye uhlangothi sekuphele inyanga iStudio 7 ilokhu izama ukuthola ukuphawula kogatsha lwendaba zasekhaya ngalezi inhlupho kodwa kulokhu kusehlula ukuthi impendulo iphume.