JOHANNESBURG —
Izizalwane zeZimbabwe ezikwele South Africa zithi kaziselathemba lokuthi zizaqhubeka na ziphiwa imvumo yokuhlala elizweni lelo njengoba ukhetho obelubhekwe ngamehlo abomvu selwenziwe lwedlula eZimbabwe.
Labo abaphiwa amaPermit okusebenza, ukufunda lokuqhuba amabhizimusi phansi kohlelo lweZimbabwe Documentation Programme olwethulwe ngo 2010, bathi sebehlalele evalweni njengoba iminyaka emine abayiphiwa kula amaPermit izaqala ukuphela kusukela ngomnyaka ozayo.
Kulabanye njalo abanikwa amaPermit la ngesikhathi amaPhasipoti abo esezaphelelwa yiminyaka. Bonake bathi bathwaliswe amagabha avuzayo nxa besiyacela ukuthi amapermit abo asuswe kumaPhasipoti abo amadala esiwa kwamatsha.
Labo abangelamaPermit abebephila ngokungena lokuphuma kwele South Africa, besebenzisa isivumelwano sabohulumende bamazwe womabili sokuthi abeZimbabwe bavunyelwe ukubakweleSouth Africa okwenyanga ezintathu ngomnyaka, labo bathi sebephilela evalweni.
Bonake bathi bethuswe lihunga hunga lokuthi abeZimbabwe abafuna ukungena kwele South Africa sebezaqala ukuhlawulela amaviza.
Ngesikhathi esifanayo labo abathola incwadi zokuphephela kweleSouth Africa, babika ukuthi basevalweni njengoba bengakwazi loba bazaqhubeka bevunyelwa ukusebenzisa lezi ncwadi njengoba sekuqhutshwe ukhetho eZimbabwe.
Lobanje ugatsha lwendaba zikahulumende wasekhaya lungakaphawuli ngalezi zikhalazo zezizalwane zeZimbabwe, ngomnyaka ophelileyo umqondisi walolugatsha uMnumnzana Mkuseli Apleni, utshele iStudio 7 ukuthi wonke umuntu owaphiwa iPermit uzakuba lalo ithupha lokungezelelwa iminyaka nxa elokhu esasebenza, kumbe esafunda loba ukuqhuba ibhizimusi.
Kodwa wakubeka kwacaca ukuthi kuzafuze abafuna ukwengezelelwa iminyaka bebe lakho konke okufunakalayo okubalisa incwadi zabodokotela, lencwadi zemfundo yabo, okuyinto ezabanzima kulabo abathola amaPermit phansi kohlelo lokuxolelwa ngo 2010.
Kulaboke abesabela ukuthi sekuzakwethulwa amavisa kuzizalwane zeZimbabwe ezifuna ukungena kwele South Africa, uhulumende wakwele South Africa usanda kwethula umbiko othi kakusilo qiniso ukuthi usefuna ukubuyisela amavisa.
Inengi lezizalwane zeZimbabwe selikhuthaze uhulumende wakwele South Africa ukuthi aphumele obala ngazo zonke izikhalazo abalazo ngenhlalo yabo, ukuze bazi ukuthi baseselemvumo yokuhlala kumbe sekufanele babophe imitshaqana yabo balubhekise ekhaya.
Labo abaphiwa amaPermit okusebenza, ukufunda lokuqhuba amabhizimusi phansi kohlelo lweZimbabwe Documentation Programme olwethulwe ngo 2010, bathi sebehlalele evalweni njengoba iminyaka emine abayiphiwa kula amaPermit izaqala ukuphela kusukela ngomnyaka ozayo.
Kulabanye njalo abanikwa amaPermit la ngesikhathi amaPhasipoti abo esezaphelelwa yiminyaka. Bonake bathi bathwaliswe amagabha avuzayo nxa besiyacela ukuthi amapermit abo asuswe kumaPhasipoti abo amadala esiwa kwamatsha.
Labo abangelamaPermit abebephila ngokungena lokuphuma kwele South Africa, besebenzisa isivumelwano sabohulumende bamazwe womabili sokuthi abeZimbabwe bavunyelwe ukubakweleSouth Africa okwenyanga ezintathu ngomnyaka, labo bathi sebephilela evalweni.
Bonake bathi bethuswe lihunga hunga lokuthi abeZimbabwe abafuna ukungena kwele South Africa sebezaqala ukuhlawulela amaviza.
Ngesikhathi esifanayo labo abathola incwadi zokuphephela kweleSouth Africa, babika ukuthi basevalweni njengoba bengakwazi loba bazaqhubeka bevunyelwa ukusebenzisa lezi ncwadi njengoba sekuqhutshwe ukhetho eZimbabwe.
Lobanje ugatsha lwendaba zikahulumende wasekhaya lungakaphawuli ngalezi zikhalazo zezizalwane zeZimbabwe, ngomnyaka ophelileyo umqondisi walolugatsha uMnumnzana Mkuseli Apleni, utshele iStudio 7 ukuthi wonke umuntu owaphiwa iPermit uzakuba lalo ithupha lokungezelelwa iminyaka nxa elokhu esasebenza, kumbe esafunda loba ukuqhuba ibhizimusi.
Kodwa wakubeka kwacaca ukuthi kuzafuze abafuna ukwengezelelwa iminyaka bebe lakho konke okufunakalayo okubalisa incwadi zabodokotela, lencwadi zemfundo yabo, okuyinto ezabanzima kulabo abathola amaPermit phansi kohlelo lokuxolelwa ngo 2010.
Kulaboke abesabela ukuthi sekuzakwethulwa amavisa kuzizalwane zeZimbabwe ezifuna ukungena kwele South Africa, uhulumende wakwele South Africa usanda kwethula umbiko othi kakusilo qiniso ukuthi usefuna ukubuyisela amavisa.
Inengi lezizalwane zeZimbabwe selikhuthaze uhulumende wakwele South Africa ukuthi aphumele obala ngazo zonke izikhalazo abalazo ngenhlalo yabo, ukuze bazi ukuthi baseselemvumo yokuhlala kumbe sekufanele babophe imitshaqana yabo balubhekise ekhaya.