GABERON —
Laloba inengi lezizalwane zeZimbabwe ezihlala kweleBotswana zidaniswe yikungavunyelwa ukuvota zikulelo lizwe ezinye zazo zithi zizimisele ukuya ekhaya ukuyavota noma nje zingazinengi ezenelise ukubhalisela ukuvota ngaphansi kohlelo olutsha olwe Voter Registration.
Noma nje kungela msindo kangako ngokhetho oluzabakhona ekhaya, ihlekana elikhulume leStudio 7 lithi lizimisele ukuphindela eZimbabwe ukuyavota. UMnunzana Ephraim Ndlovu uqambe isizatho sokuthi kuqakathekile ukubumba ikusasa yelizwe azalelwa kulo.
Uhulumende womanyano ubikwa ezamile ukuthi isimo sizinze eZimbabwe ngakho yisikhathi sokuthi ozathatha intambo aqedise umsebenzi lalobanje kudanisa okwamagama ukuthi umthethwandaba wesisekelo sombuso owe Constitutional Court walile isicelo sokuthi abasemazweni bavote besemazweni abahlala kuwo.
Abenhlanganiso ezizimele zodwa kweleBotswana babambene ngesimo seZimbabwe. Abomanyano weBOCISCOZ, bakhiphe umbiko besithi kuqakathekile ukuthi iZimbabwe ilungise okufunakalayo ngaphambi kokhetho.
Bathi uma lokhu kungeziwanga kulakho ukuxegisa umbono kazulu ngokhetho phakathi eZimbabwe kanye lemazweni.
Abantu abanengi abadabuka eZimbabwe abahlala kwamanye amazwe angomakhelwane agoqela kwele Botswana laphetsheya kolwandle bebeke baba lethemba lokuthi engxenye idale leConCourt lingasamukela isicelo sokuthi bavote bengahambanga imango emide besemazweni abahlala kiwo kodwa lokhu akusabanga njalo ngoba lesi sicelo silahlelwe khatshana ngeviki edluleyo ngumthethwandaba.
Noma nje kungela msindo kangako ngokhetho oluzabakhona ekhaya, ihlekana elikhulume leStudio 7 lithi lizimisele ukuphindela eZimbabwe ukuyavota. UMnunzana Ephraim Ndlovu uqambe isizatho sokuthi kuqakathekile ukubumba ikusasa yelizwe azalelwa kulo.
Uhulumende womanyano ubikwa ezamile ukuthi isimo sizinze eZimbabwe ngakho yisikhathi sokuthi ozathatha intambo aqedise umsebenzi lalobanje kudanisa okwamagama ukuthi umthethwandaba wesisekelo sombuso owe Constitutional Court walile isicelo sokuthi abasemazweni bavote besemazweni abahlala kuwo.
Abenhlanganiso ezizimele zodwa kweleBotswana babambene ngesimo seZimbabwe. Abomanyano weBOCISCOZ, bakhiphe umbiko besithi kuqakathekile ukuthi iZimbabwe ilungise okufunakalayo ngaphambi kokhetho.
Bathi uma lokhu kungeziwanga kulakho ukuxegisa umbono kazulu ngokhetho phakathi eZimbabwe kanye lemazweni.
Abantu abanengi abadabuka eZimbabwe abahlala kwamanye amazwe angomakhelwane agoqela kwele Botswana laphetsheya kolwandle bebeke baba lethemba lokuthi engxenye idale leConCourt lingasamukela isicelo sokuthi bavote bengahambanga imango emide besemazweni abahlala kiwo kodwa lokhu akusabanga njalo ngoba lesi sicelo silahlelwe khatshana ngeviki edluleyo ngumthethwandaba.