HARARE —
Ibandla le Zanu PF esigabeni se Harare libambe umhlangano wezifundo lasebephumelele ukumela lelibandla kukhetho oluzayo ezikhundleni ze dale lephalamende, eSenate lakukhansili, ngenhloso yokuba balungele ukuncintisa ngendlela eqondileyo kukhetho oluzayo.
Umgcinisihlalo weProvince yeHarare ku Zanu PF uMnumzana Amos Midzi utshele lumhlangano e Harare ukuba abazancintisa bazilungiselele ngokugcweleyo njalo bancintise belandela iziqondiso zebandla.
Ibandla le Zanu PF lenelise ukuthola isihlalo esisodwa nje kuphela kudale lephalamende elisanda kugqiba umsebenzi ezinye zonke bezise bandleni le MDC ekhokhlwa nguMnu Morgan Tsvangirai.
Ibandla le Zanu PF likhankasela lolukhetho ngaphansi kwesihloko esithi “Bhora mugedi” kumbe “Ibhola egedini” kulandela ukulahlekelwa ngamavoti elithi kwabangelwa yikudonselana lokuxokozela phakathi kwebandla okwakhokhelela ekuthini amanye amalunga alo ephazamise ukuvotelwa kwalo phansi kohlelo olwaphiwa igama lokuthi “Bhora musango” kumbe “Ibhola egangeni”.
Lonyaka lokhu kufuthelana lokuxokozela lokhe kukhona okuvele ikakhulu kukhetho lwamaprimaries amanye amalunga aleli bandla angasuthiseki ngokuqutshwa kwama primaries la acina ephume lesinye isihloko esithi “Ponjesa bhora” kumbe “Phontshisa ibhola”.
UMnumzana Trust Nhubu ocubungula ezombusazwe esenza izifundo zaphezulu e University ye Zimbabwe uthi le yimizamo nje angaboni iphumelela ngoba kulokhe kulokudonselana kuleli bandla.
Kubikwa kulokukhonona kwamalunga athile kulelibandla athi ukhetho lokudinga abameli abazancintisa kukhetho oluzayo kundawana ezinengi zelizwe aluhanjiswanga ngemfanelo kwabangela ukuba abanye babo bebhalisele ukuncintisa bezimele.
UMidzi uthi lokhu akumangalisi njalo ibandla lakhe selihle lakulungisisa ukuze amalunga alo edonse endawonye.
Umgcinisihlalo weProvince yeHarare ku Zanu PF uMnumzana Amos Midzi utshele lumhlangano e Harare ukuba abazancintisa bazilungiselele ngokugcweleyo njalo bancintise belandela iziqondiso zebandla.
Ibandla le Zanu PF lenelise ukuthola isihlalo esisodwa nje kuphela kudale lephalamende elisanda kugqiba umsebenzi ezinye zonke bezise bandleni le MDC ekhokhlwa nguMnu Morgan Tsvangirai.
Ibandla le Zanu PF likhankasela lolukhetho ngaphansi kwesihloko esithi “Bhora mugedi” kumbe “Ibhola egedini” kulandela ukulahlekelwa ngamavoti elithi kwabangelwa yikudonselana lokuxokozela phakathi kwebandla okwakhokhelela ekuthini amanye amalunga alo ephazamise ukuvotelwa kwalo phansi kohlelo olwaphiwa igama lokuthi “Bhora musango” kumbe “Ibhola egangeni”.
Lonyaka lokhu kufuthelana lokuxokozela lokhe kukhona okuvele ikakhulu kukhetho lwamaprimaries amanye amalunga aleli bandla angasuthiseki ngokuqutshwa kwama primaries la acina ephume lesinye isihloko esithi “Ponjesa bhora” kumbe “Phontshisa ibhola”.
UMnumzana Trust Nhubu ocubungula ezombusazwe esenza izifundo zaphezulu e University ye Zimbabwe uthi le yimizamo nje angaboni iphumelela ngoba kulokhe kulokudonselana kuleli bandla.
Kubikwa kulokukhonona kwamalunga athile kulelibandla athi ukhetho lokudinga abameli abazancintisa kukhetho oluzayo kundawana ezinengi zelizwe aluhanjiswanga ngemfanelo kwabangela ukuba abanye babo bebhalisele ukuncintisa bezimele.
UMidzi uthi lokhu akumangalisi njalo ibandla lakhe selihle lakulungisisa ukuze amalunga alo edonse endawonye.
