BULAWAYO —
Ababona ngokulondolozwa kwamalungelo abesifazana bathi kumele uhulumende ananze ukuthi ngesikhathi kulungiswa imithetho yokuphatha ukhetho kuqakathekiswe izigaba ezenza kube lula kubomama ukuthi baphatheke ngokugcweleyo kwezombusazwe ukuze babelakho ukusebenzisa amathuba wonke abawaphiwa yisisekelo sombuso esitsha.
Isisekelo esitsha sombuso silamathuba athe xaxa amatsha esiwapha abesifazana kwezombusazwe kanye lakwezinye inhlangothi zempilo.
Kwezombusazwe, ugwalo lolu solwengeze amathuba abomama okungena kudale lephalamende ngokubapha izihlalo ezingamatshumi ayisithupha ku House of Assembly phezu kwalabo abazancintisa kukhetho kanye lamathuba aphezulu okungena ku senate.
Ugwalo lolu njalo lulakho ukuthuthukisa amathuba abomama ngokuvikela amalungelo oluntu okuthola ukudla, indawo zokuhlala, amanzi ahlanzekileyo kanye lokunye okunjalo njalo okuvame ukudala ininga ezibhekana labesifazana emulini.
Isisekelo sombuso siletha njalo ilungelo labesifazana lokuthi babelakho ukondla abantwababo bengadingi usekelo kuboyise babantwana kumbe omnewabo, iGuardianship njengabo mkabo kanye lokususwa kwemithetho yamasiko elobandlululo, kodwa konke lokhu kudinga ukuthi imithetho ebivele ikhona iguqulwe ukuze abesifazana basebenzise amathuba la.
Lanxa nje isisekelo sombuso esitsha siqukethe amalungelo amanengi, inengi lawo liyasebenza ngemva kokuthi imithetho ekhona isiguquliwe yahambelana lezimiso lezi ezintsha.
Ingcitshi zomthetho zithi kuqakathekile njalo ukuthi uzulu azi ukuthi kulezimiso zama Guiding Principles eziveza injongo kahulumende nje kodwa zingeke zasiwa emthethwandaba bese kusiba lalezo ezikuluhlu lwamalungelo iBill of Rights ezilakho ukuyamangalelwa.
Isisekelo esitsha sombuso silamathuba athe xaxa amatsha esiwapha abesifazana kwezombusazwe kanye lakwezinye inhlangothi zempilo.
Kwezombusazwe, ugwalo lolu solwengeze amathuba abomama okungena kudale lephalamende ngokubapha izihlalo ezingamatshumi ayisithupha ku House of Assembly phezu kwalabo abazancintisa kukhetho kanye lamathuba aphezulu okungena ku senate.
Ugwalo lolu njalo lulakho ukuthuthukisa amathuba abomama ngokuvikela amalungelo oluntu okuthola ukudla, indawo zokuhlala, amanzi ahlanzekileyo kanye lokunye okunjalo njalo okuvame ukudala ininga ezibhekana labesifazana emulini.
Isisekelo sombuso siletha njalo ilungelo labesifazana lokuthi babelakho ukondla abantwababo bengadingi usekelo kuboyise babantwana kumbe omnewabo, iGuardianship njengabo mkabo kanye lokususwa kwemithetho yamasiko elobandlululo, kodwa konke lokhu kudinga ukuthi imithetho ebivele ikhona iguqulwe ukuze abesifazana basebenzise amathuba la.
Lanxa nje isisekelo sombuso esitsha siqukethe amalungelo amanengi, inengi lawo liyasebenza ngemva kokuthi imithetho ekhona isiguquliwe yahambelana lezimiso lezi ezintsha.
Ingcitshi zomthetho zithi kuqakathekile njalo ukuthi uzulu azi ukuthi kulezimiso zama Guiding Principles eziveza injongo kahulumende nje kodwa zingeke zasiwa emthethwandaba bese kusiba lalezo ezikuluhlu lwamalungelo iBill of Rights ezilakho ukuyamangalelwa.
