BULAWAYO —
Impumela yemizamo yokuletha ukuthula elizweni lapho kuphathwa ukhetho eyaqala lapho uhulumende womanyano ebeka ugatsha lokukhumisana umlotha izaba sobala ngalinyanga lapho amabandla ezombusazwe ekhankasela usekelo, ukubona ukuthi ilizwe liyenelisa na ukuphatha ukhetho olungela dlakela.
Abesifazana bathi bayakhuthazana ukuthi kumele baphatheke kakhulu emizameni yokuletha ukuthula kukhetho lolu ngoba ezikhathini ezinengi yibo abathwala amagabha avuzayo kungaba lokulwisana kukhankaswa.
Lanxa ezikhathini ezinengi abesilisa kuyibo abaphatheka ekudaleni udlakela, abesifazana yibo abacina belimele, bedlwanguliwe kumbe bethwele umlandu wokunakekela omkabo, abantwana kanye lezihlobo eziyabe zilimele kuloludlakela.
Inhlanganiso yabesifazana, i Women’s Programme Research and Advocacy Unit, ithi omama bayingxenye eqakathekileyo lapho kukhulunywa ngokuqeda udlakela ngoba balakho ukukhuluma labomkabo labantwana babakhuthaze ukuxwaya umsindo lapho kukhankaswa.
Lanxa nje sekulembiko ephuma lapha lalaphaya yodlakela oluphathelane lokhetho, inengi kuzulu livele selihlalele evalweni ukuthi umsindo womnyaka ka 2008 uzaqala njalo ngoba kuvele kukhohlwa ihloka isihlahla kasikhohlwa.
EleZimbabwe selaba lembali yokuphatha ukhetho olulodlakela olubi ngazo zonke izikhathi olutshiya inengi ligogekile, lilahlekelwe yimizi, omakhelwane bengasancwebisani igwayi njalo abanye belahlekelwe yimiphefumulo.
Lanxa nje uhlangothi olubona ngokuxolelana lokukhumisana umlotha olwe Organ for National Healing and Reconciliation lungangenanga kundawo zonke zelizwe, ithemba ngelokuthi lapho elafika khona litshaye lazwela okuzaletha ukuthula kulolu khetho lwalonyaka.
Abesifazana bathi bayakhuthazana ukuthi kumele baphatheke kakhulu emizameni yokuletha ukuthula kukhetho lolu ngoba ezikhathini ezinengi yibo abathwala amagabha avuzayo kungaba lokulwisana kukhankaswa.
Lanxa ezikhathini ezinengi abesilisa kuyibo abaphatheka ekudaleni udlakela, abesifazana yibo abacina belimele, bedlwanguliwe kumbe bethwele umlandu wokunakekela omkabo, abantwana kanye lezihlobo eziyabe zilimele kuloludlakela.
Inhlanganiso yabesifazana, i Women’s Programme Research and Advocacy Unit, ithi omama bayingxenye eqakathekileyo lapho kukhulunywa ngokuqeda udlakela ngoba balakho ukukhuluma labomkabo labantwana babakhuthaze ukuxwaya umsindo lapho kukhankaswa.
Lanxa nje sekulembiko ephuma lapha lalaphaya yodlakela oluphathelane lokhetho, inengi kuzulu livele selihlalele evalweni ukuthi umsindo womnyaka ka 2008 uzaqala njalo ngoba kuvele kukhohlwa ihloka isihlahla kasikhohlwa.
EleZimbabwe selaba lembali yokuphatha ukhetho olulodlakela olubi ngazo zonke izikhathi olutshiya inengi ligogekile, lilahlekelwe yimizi, omakhelwane bengasancwebisani igwayi njalo abanye belahlekelwe yimiphefumulo.
Lanxa nje uhlangothi olubona ngokuxolelana lokukhumisana umlotha olwe Organ for National Healing and Reconciliation lungangenanga kundawo zonke zelizwe, ithemba ngelokuthi lapho elafika khona litshaye lazwela okuzaletha ukuthula kulolu khetho lwalonyaka.
