Abesifazana abadabuka eZimbabwe abahlala kweleSouth Africa batshayela izandla isizalwane seZimbabwe uNkosikazi Sizani Charity Tshuma ngemva kokubafundisa okutshiyeneyo okokuziphilisa besithi lokhu sekutshintshe impilo zabo kwaqeda indlala lobuyanga emulini zabo.
Leli linina lakoGolide lidabuka ePlumtree. UNkosikazi Tshuma usezikhandele omkhulu umlandu esikolo sakhe seMangako eGoli esigavela abesifazana ikakhulu abeZimbabwe ulwazi lokuhlobisa amaqhathanzipho afuna ukuthi nxa enyathela kuzwakale.
“I empower them just for job opportunities. You find ukuthi ibeauty it’s not even in her. It’s not even I career yakhe but because it can create ukuthi useze egcina esenemali, umsebenzi, job opportunities or running their own businesses, so yiyo into eyabe ingiphusha ukuthi ngiyabe ngibona ukuthi that’s how I started.”
UNkosikazi Tshuma uthi zehla zijuluke ezentokozo nxa esebona izinkulungwane zabomama abebebhekane lenhlupho ezesabekayo, sebekhomba ngophakathi ngenxa yamakhono abagavele wona.
“Ngiyabe ngi feeler engathi ngithole igate pass yokungena ezulwini. Especially ma ubheke iproduct yakho. Ubone ukuthi ngumntanami lo I know ukuthi uphumaphi. When I look at uRorisani, when I look at uSithembiso, the Simplicity, House of Beauty, they are now running these companies. Especially ma sinama graduation ngiyabukela ngithi ya, they have worked.”
Uthi banengi abamenze waba yilokhu ayikho khona yikho laye efuna ukwenza abanengi babe njengaye. Omunye wabathakazelela imisebenzi yakhe nguNkosikazi Thembi Dube.
“Usisi uCharity ukhulise abantu abanengi. Abanye ba overseas from rural areas umuntu ubone egibela inqola moya for the first time. Yena ma ebona umuntu ejabula ekhuphuka it’s her joy. It’s her strength. She feels ukuthi she has achieved. She sleeps well at night when somebody is successful.”
Yisicombe combe kulesisikolo sakhe seMangako njengoba kukhandwa kuphothulwe omancombane abamkants’obomvu. Abanye zintshantshu zokucomba ubuso, kanti abanye sekuzingcitshi zamaqhathanzipho, besekubuya labonakantshiya labonasbutubutu abakubotoza igazi ligijime. UNkosazana Juliet Chinyanganya wenza phose konke lokhu.
“Senza amazipho, massage, make up, lena engiyifakile ngizenzile, waxing, eye lashes and ma ngikhone ukuhlanganisa imali ngenze eyami iBeauty Spar, I would like to do it.”
Bebeqinisile abadala uma bethi ikusasa liyabekelwa ngoba nanku phela lapho uNkosikazi Tshuma abebafundisa ukubhiconga yibo lamhlanje asebethi bangambamba bamtshiye ebutshelezi okwetshitshi. Uyabonga kakhulu UNkosazana Sithembiso Mpofu, umnini wesikolo sikucombacomba eseSimplicity Beauty Box.
“I never imagined myself ngilesikolo ngoba wayehlala ethi kimi ethi Sthe kambevula. Ngizitshela ukuthi ngizavula something encane nje ngifake imirror yami ye make up ngibe ngisenza amaclients enginikezanje imali encane. So wangigqugquzela. We had a lot ama fights elwa nami until ngabaright. Ngiyajabula kakhulu. Thank so much.”
UNkosazana Rorisani Ngwenya laye selesikolo sokucombacomba asibiza ngokuthi House of Beauty.
“Kahle kahle ngiswele magama amanengi okubonga but I don’t mind saying it a million times. IMangako yangiphakamisa kakhulu ngo mam Charity. La engaqalela khona mina I’m just a village girl. Bengizitshela ukuthi impilo yami izaphelela as a waitress but check now I ended becoming this just because of iMangako. “
Kulithembake lenengi lalaba omama ukuthi ngala makhono umangoye uzasuka ukubhazalala eziko lemuli zabo zilale ngesibomvu.
“Laba ngabanye besifazana asebethe bathola amakhono okuziphilisa empilweni. Inengi laboke liyathokoza ngalokho asebekutholile ngoba ikusasa labo seliqhakazile.
Forum