HARARE —
Inkokheli zenhlanganiso ezilwela ilungelo labesifazana seziveze ukucunuka kwazo phezu kokwehla kwenani lenkokheli zesifazane eziphiwe izikhundla edale leCabinet. Inkokheli le ithi lokhu kubonisa ukwehluleka kukaMongameli Robert Mugabe ukulandela iziqondiso ze Sadc zokulinganiswa kwamathuba ezikhundleni zobukhokheli phakathi kwabesilisa labesifazane eze 50/50.
Inkokheli ezivela kumagumbi amane elizwe, ziveze lokhu kucunuka emhlanganweni wokudinga amacebo angasetshenziswa ukuphathisa intuthuko yabesifazane ekuthini bangene labo ezikhundleni zobukhokheli ezifana le Cabinet, owe ' Second National Alliance Building and Stratergy Workshop '.
Abesifazana abangene lumhlangano ngoLwesine owenzelwe ehweteleni ye Cresta Lodge, bathi isimanga yikuba lokhu kwenza kukaMugabe kuza ngemva kokulotshwa kwesisekelo esitsha sombuso esiqakathekisa amalungelo abesifazane ngesilinganiso sokungamatshumi ayisikhombisa lanhlanu ekhulwini-75%.
Ummgcinisihlalo enhlanganisweni yomanyano wenhlanganiso yabesifazane i 'Women’s Coaliation in Zimbabwe ',uNkosikazi Virginia Muwanigwa utshele intathelizindaba ukuba iyadanisa limpumela yenkokheli zengatsha zikahulumende.
Libikwa lokhe liphansi kakhulu inani labesifazane abatholiswa izikhundla zobukhokheli okufana le Cabinet.okwamanje selehle kakhulu laya kusilinganiso sokuyisitshiyagalolunye ekhulwini-9%.
Obona ngezokuqoqwa kwenhlelo enhlanganisweni ye 'Women in Politics in Zimbabwe ' uNkosazana Patricia Muwandi uthi lumumo awujabulisi ngitsho lakancane.
UMuwandi uthi zinengi izizatho ezenza omama basalele kwezemfundo yaphezulu yokubaphathisa ukuthatha lezo zikhunda zobukhokheli njengokutsho kukamongameli.
UNkosazana Pretty Xaba ungomunye wabomama abangamalunga eWomen Film Makers in Zimbabwe, osola inkulumo kamongameli mugabe phezu kodaba lokubekwa kwabesifazane ezikhundleni zobukhokheli.
Uthi kumphatha kubi ukubona omama bengene bebalutshwana lanxa kuyibona abanengi elizweni.
UNkosikazi Alice Maqatha ngenye yenkokheli enhlanganisweni ye Women’s Coalition in Zimbabwe ebona ngezemali eGweru laye obekulomhlangano lapho atshele intathelzindaba ukuba omama labo kumele basekelane lokuphakamisana ngokwabo.
Umqondisi enhlanganisweni esebenzelana labesifazane kundaba zegciwane lengculaza eye ' Women and Aids Support Network', uNkosikazi Mary Sandasi, uthi makudingwe indlela zokusebenzelana njengoba usuphelile umsebenzi wokunikezwa kwezikhundla zobukhokheli ku Cabinet.
Inkokheli lezi ziveze njalo ukuba lokhe lingakasifinyeleli isilinganiso, sokuphakathi laphakathi i-50/50 Representation, esiyiso esavunyelanwa enhlanganisweni yeSadc lanxa uhulumende weZimbabwe evumelane laso,wabonisa ngokusisayina ngomnyaka ka 2018.
Abesifazana emhlanganweni lo bavumelene ukuba kumele basetshenziswe omama abasezikhundleni zobukhokheli lanxa bebalutshwana ukuze ifezwe imizamo yokwengezelela inane labo ezikhundleni zobukhokheli.
Bathi mazikhunjuzwe phezu kwezinqumo zeSadc ukuba kungani zingalandelwa lanxa uhulumende ehlala ethembisa ukuloba igama kusivumelwano sokufeza lokhu.
Ngesikhathi kugcotswa inkokheli zengatsha zikahulumende labasekeli babo emkhosini owenzelwe eState House, uMongameli Robert Mugabe ukubeke sobala ukuba sesedlule isikhathi sokuba abesifazana babe lokhe bekhangezwa izikhundla.
Lumhlangano oqoqwe ngabe Women Coalition in Zimbabwe, uthole usekelo enhlanganisweni ezibalisa eye Gender Links kanye leyomanyano wamazwe womhlaba eye UN Women.
Ungenwe zinkokheli zesifazana emisebenzini egoqela eyezokholo, abafundisi, kwezemfundo, ezikhokhela inhlangothi zabesifazane enhlanganisweni yezisebenzi, iUnited Nations kanye le European Union.
Inkokheli ezivela kumagumbi amane elizwe, ziveze lokhu kucunuka emhlanganweni wokudinga amacebo angasetshenziswa ukuphathisa intuthuko yabesifazane ekuthini bangene labo ezikhundleni zobukhokheli ezifana le Cabinet, owe ' Second National Alliance Building and Stratergy Workshop '.
Abesifazana abangene lumhlangano ngoLwesine owenzelwe ehweteleni ye Cresta Lodge, bathi isimanga yikuba lokhu kwenza kukaMugabe kuza ngemva kokulotshwa kwesisekelo esitsha sombuso esiqakathekisa amalungelo abesifazane ngesilinganiso sokungamatshumi ayisikhombisa lanhlanu ekhulwini-75%.
Ummgcinisihlalo enhlanganisweni yomanyano wenhlanganiso yabesifazane i 'Women’s Coaliation in Zimbabwe ',uNkosikazi Virginia Muwanigwa utshele intathelizindaba ukuba iyadanisa limpumela yenkokheli zengatsha zikahulumende.
Libikwa lokhe liphansi kakhulu inani labesifazane abatholiswa izikhundla zobukhokheli okufana le Cabinet.okwamanje selehle kakhulu laya kusilinganiso sokuyisitshiyagalolunye ekhulwini-9%.
Obona ngezokuqoqwa kwenhlelo enhlanganisweni ye 'Women in Politics in Zimbabwe ' uNkosazana Patricia Muwandi uthi lumumo awujabulisi ngitsho lakancane.
UMuwandi uthi zinengi izizatho ezenza omama basalele kwezemfundo yaphezulu yokubaphathisa ukuthatha lezo zikhunda zobukhokheli njengokutsho kukamongameli.
UNkosazana Pretty Xaba ungomunye wabomama abangamalunga eWomen Film Makers in Zimbabwe, osola inkulumo kamongameli mugabe phezu kodaba lokubekwa kwabesifazane ezikhundleni zobukhokheli.
Uthi kumphatha kubi ukubona omama bengene bebalutshwana lanxa kuyibona abanengi elizweni.
UNkosikazi Alice Maqatha ngenye yenkokheli enhlanganisweni ye Women’s Coalition in Zimbabwe ebona ngezemali eGweru laye obekulomhlangano lapho atshele intathelzindaba ukuba omama labo kumele basekelane lokuphakamisana ngokwabo.
Umqondisi enhlanganisweni esebenzelana labesifazane kundaba zegciwane lengculaza eye ' Women and Aids Support Network', uNkosikazi Mary Sandasi, uthi makudingwe indlela zokusebenzelana njengoba usuphelile umsebenzi wokunikezwa kwezikhundla zobukhokheli ku Cabinet.
Inkokheli lezi ziveze njalo ukuba lokhe lingakasifinyeleli isilinganiso, sokuphakathi laphakathi i-50/50 Representation, esiyiso esavunyelanwa enhlanganisweni yeSadc lanxa uhulumende weZimbabwe evumelane laso,wabonisa ngokusisayina ngomnyaka ka 2018.
Abesifazana emhlanganweni lo bavumelene ukuba kumele basetshenziswe omama abasezikhundleni zobukhokheli lanxa bebalutshwana ukuze ifezwe imizamo yokwengezelela inane labo ezikhundleni zobukhokheli.
Bathi mazikhunjuzwe phezu kwezinqumo zeSadc ukuba kungani zingalandelwa lanxa uhulumende ehlala ethembisa ukuloba igama kusivumelwano sokufeza lokhu.
Ngesikhathi kugcotswa inkokheli zengatsha zikahulumende labasekeli babo emkhosini owenzelwe eState House, uMongameli Robert Mugabe ukubeke sobala ukuba sesedlule isikhathi sokuba abesifazana babe lokhe bekhangezwa izikhundla.
Lumhlangano oqoqwe ngabe Women Coalition in Zimbabwe, uthole usekelo enhlanganisweni ezibalisa eye Gender Links kanye leyomanyano wamazwe womhlaba eye UN Women.
Ungenwe zinkokheli zesifazana emisebenzini egoqela eyezokholo, abafundisi, kwezemfundo, ezikhokhela inhlangothi zabesifazane enhlanganisweni yezisebenzi, iUnited Nations kanye le European Union.