BULAWAYO —
Abesifazana sebeveze ukungasuthiseki ngenani eliphansi kakhulu labomama abangena kukhetho oluzayo okokuthi sokulokuthandabuza ukuthi ilizwe lizenelisa ukulinganisa inani labesilisa labesifazana ezikhundleni zokuthathwa kwezinqumo ezimqoka kusiyafika umnyaka ka 2015 njengokumisa kwenhlanganiso yomanyano wamazwe e zansi kwe Africa iSadc Gender Protocol.
Isisekelo esitsha sombuso besesilethe ithemba kwabesifazana labakhangela amalungelo oluntu ukuthi iphalamende le ezayo izathuthukisa inani labesifazana elikwezombusazwe lilingane labesilisa njengokumisa kwe Sadc.
Lokhu kulandela izinqumo ezikusisekelo sombuso ukuthi kubekwe izihlalo ezingamatshumi ayisithupha zabomama kudale le House of Assembly kuthi ku Senate kubekwe uluhlu lwabammeli oluvela kumabandla wonke luqala ngommeli wesifazana.
Lanxa bekube lokukhonona ukuthi lezizimiso zikhangela idale le phalamende kuphela litshiya amakhansili okuyiwo lapho inengi labesifazana elingenelisa ukungena khona kalula nje.
Uluhlu lwabesifazana abazancintisa kukhetho bemele amabandla atshiyeneyo edale lephalamende luveza ukuthi qotho umlomo awugcwalelwa mfula ngoba zonke izithembiso ezenzwa ngamabandla la azigcwalisekanga nxa kukhangelwa inani labesifazana elithole ilungelo lokumela amabandla alo.
Lanxa kungakatholakali inani elipheleleyo ukuthi amabandla ezombusazwe alabesifazana abangaki abangena kukhetho, kubammeli bakoBulawayo akulabandla elifike ku 50/50 kubammeli laba.
Ibandla le Movement for Democratic Change ekhokhelwa nguMnumzana Welshman Ncube ilabesifazana abahlanu, eka Mnumzana Morgan Tsvangirai ilababili kuphela kuthi i Zanu PF ilabane, bonke bencintisana labesilisa.
Izihlalo zabesifazana abazibekelwe ku House of Assembly zingaphansi kwamatshumi amabili ekhulwini – 18% enani lalelidale okutsho ukuthi phezu kwamatshumi amathathu ekhulwini – 32% yabesifazana kumele iphume kulabo abazancintisa kulolukhetho ukuze inani labesifazana lifike kungxenye yekhulwini 50% kudale leli ngemva kokhetho.
Isisekelo esitsha sombuso besesilethe ithemba kwabesifazana labakhangela amalungelo oluntu ukuthi iphalamende le ezayo izathuthukisa inani labesifazana elikwezombusazwe lilingane labesilisa njengokumisa kwe Sadc.
Lokhu kulandela izinqumo ezikusisekelo sombuso ukuthi kubekwe izihlalo ezingamatshumi ayisithupha zabomama kudale le House of Assembly kuthi ku Senate kubekwe uluhlu lwabammeli oluvela kumabandla wonke luqala ngommeli wesifazana.
Lanxa bekube lokukhonona ukuthi lezizimiso zikhangela idale le phalamende kuphela litshiya amakhansili okuyiwo lapho inengi labesifazana elingenelisa ukungena khona kalula nje.
Uluhlu lwabesifazana abazancintisa kukhetho bemele amabandla atshiyeneyo edale lephalamende luveza ukuthi qotho umlomo awugcwalelwa mfula ngoba zonke izithembiso ezenzwa ngamabandla la azigcwalisekanga nxa kukhangelwa inani labesifazana elithole ilungelo lokumela amabandla alo.
Lanxa kungakatholakali inani elipheleleyo ukuthi amabandla ezombusazwe alabesifazana abangaki abangena kukhetho, kubammeli bakoBulawayo akulabandla elifike ku 50/50 kubammeli laba.
Ibandla le Movement for Democratic Change ekhokhelwa nguMnumzana Welshman Ncube ilabesifazana abahlanu, eka Mnumzana Morgan Tsvangirai ilababili kuphela kuthi i Zanu PF ilabane, bonke bencintisana labesilisa.
Izihlalo zabesifazana abazibekelwe ku House of Assembly zingaphansi kwamatshumi amabili ekhulwini – 18% enani lalelidale okutsho ukuthi phezu kwamatshumi amathathu ekhulwini – 32% yabesifazana kumele iphume kulabo abazancintisa kulolukhetho ukuze inani labesifazana lifike kungxenye yekhulwini 50% kudale leli ngemva kokhetho.
