BULAWAYO —
Isinqumo sokugcinela abesifazana izihlalo ezithile edale lephalamende kugwalo lwesisekelo esitsha sombuso samukelwa ngembono etshiyeneyo nguzulu, abanye besithi lokhu yikuvuselela amathuba abesifazana aleminyaka encindezelwa kodwa abanye besithi lokhu yikwenza omama ingane ezidinga ukukhangezwa njalonje.
Phakathi kwamalunga ephalamende aphezu kwamakhulu amathathu – 315, akhona lamhla elizweni, abesifazana bayingcosana nje – bengamatshumi amahlanu lambili kuphela.
Lokhu sokulethe ukukhonona kwabesifazana abathi abawatholi amathuba okuthi bangene ephalamende ngoba engalingani lawabesilisa okwenza kubenzima ukuthi benelise ukuncintisana labo.
Ezinye zezizatho zalokhu ludlakela olujayele ukubakhona nxa kulemikhankaso, ukuswelakala kwemali kwabesifazana abafuna ukungena kwezombusazwe kanye lozulu olokhu esacabanga ukuthi ezombusazwe azimfanelanga owesifazana olesithunzi.
Kubika intathelizindaba yeStudio 7 uNothando Sibanda osipha loludaba ngokugcweleyo ekoBulawayo.
Phakathi kwamalunga ephalamende aphezu kwamakhulu amathathu – 315, akhona lamhla elizweni, abesifazana bayingcosana nje – bengamatshumi amahlanu lambili kuphela.
Lokhu sokulethe ukukhonona kwabesifazana abathi abawatholi amathuba okuthi bangene ephalamende ngoba engalingani lawabesilisa okwenza kubenzima ukuthi benelise ukuncintisana labo.
Ezinye zezizatho zalokhu ludlakela olujayele ukubakhona nxa kulemikhankaso, ukuswelakala kwemali kwabesifazana abafuna ukungena kwezombusazwe kanye lozulu olokhu esacabanga ukuthi ezombusazwe azimfanelanga owesifazana olesithunzi.
Kubika intathelizindaba yeStudio 7 uNothando Sibanda osipha loludaba ngokugcweleyo ekoBulawayo.
