HARARE —
Ngesikhathi abenhlanganiso yePEPFAR bethakazelela ukufikisa iminyaka elitshumi yasungulwayo emhlabeni jikelele, okhokhela inhlelo zalesi sikhwama eZimbabwe uNkosazana Megan Petterson uthi sebesebenze bafika kuzinga laphezulu ekuthuthukisweni kokutholakala kwemithi ephathisa abaphila legciwane, indlela zokucetshiswa lokuhlolwa kwabantu kanye lokuba benelise ukuthola usizo lwemithi omama abaphila legciwane ngaphansi kohlelo lokwenqabela ukuthelelwa kwengane igcikwane ngumama i-Prevention of Mother to Child Transmission - PMTC.
Isikhwama sikahulumende wakwele Melika ese President’s Emergency Plan For Aids Relief – PEPFAR esisungulwe iminyaka elitshumi edluleyo ngomnyaka ka 2003 ngesikhathi umongameli George Bush ebusa sesiphathise kakhulu kunhlelo zokulwisana lodubo lwegciwane kanye lengculaza kweleZimbabwe.
Usizo lwalesi sikhwama sePEPFAR seluphathise ilizwe kundaba zokwenqabela ukusabalala kwegciwane ngaphansi kwenhlelo ezibalisa ukusokwa kwabesilisa, ukwenqatshelwa kokusabalala kwaleligciwane lisuka kumama lisiya emntwaneni i PMTC kanye lokuphathisa kunhlelo zokucetshiswa kanye lokuhlolwa kukazulu ukuba ulegciwane loba hatshi olwe Voluntary Councelling and Testing.
Lesi sikhwama siphathisa njalo kunhlelo zokutholiswa kwamaphilisi ohlobo lwama Anti-retroviral atholiswa labo abaphila legciwane.
Abantu abangaba zinkulungwane ezilikhulu lamatshumi ayisithupha, phakathi kwabazinkulungwane ezingamakhulu ayisithupha abalegcikwane, batholiswa loluncedo bephathiswa yisikhwama se PEPFAR.
Obona ngezokuqhutshwa kwenhlelo enhlanganisweni ye PEPFAR kwele Zimbabwe, unkosikazi Megan Petterson uthi kunengi osekuthe kwenziwa yilesi sikhwama okuncomekayo ngesikhathi linhlanganiso ithakazelela ukufikisa iminyaka elitshumi.
Uthi uncedo lwe PEPFAR seluphathise kakhulu kundaba zokwehlisa udubo lwegciwane kanye lengculaza emphakathini kanye lkumizamo kahulumende yokwenqabela ukusabalala kwaleligciwane.
U Pettersen uthi uhulumende wakweleMelika uzimisele ukuphathisa eleZimbabwe kunhlelo zalo eziphathelene legciwane kanye lengculaza njengengxenye yemizamo yokwehlisa ukusabalala kwegciwane emhlabeni wonke jikelele.
Ele Zimbabwe lithola uncedo oluvela e PEPFAR phansi kwesikhwama se Global Fund esiphathisa ngemali yokuqhuba inhlelo eziphathelene lokwehiswa kokusabalala kwegciwane kanye lengculaza.
Ngaphambilini eleZimbabwe belivele litholiswa usizo luvelela kuhulumende weMelika ngaphansi kwe USAID.
Abe Centre For Diseases Control – CDC Zimbabwe ngabanye balabo abasebenzelana labe PEPFAR ukuqhuba limisebenzi elizweni.
Abe CDC Zimbabwe basebenzelana lohulumende weZimbabwe ukuthuthukisa inhlelo zezempilakahle kanye lokuthuthukisa izisebenzi kwezempilakahle. Umqondisi we CDC kuleli umnumzana Peter Kilmarx uthi uhlangothi lwake luphathiswe kakhulu ngosizo oluvelele kwabesikhwama se PEPFAR kuminyaka le edlule.
Ezinye zenhlanganiso ezisebenzelana labesikhwama se PEPFAR selokhu sasungulwayo zibalisa lezo ezisebenzelana lozulu i-Community Working Group on Health, abenhlanganiso ye Public Health Interventions kanye leye Elizabeth Glaser Foundation.
Unkosikazi Thandiwe Sibanda wase Gokwe uleminyaka engamatshumi amane lasikhombisa njalo yena lomkakhe baphila legciwane.
Unkosikazi Sibanda uncoma imisebenzi eqhutshwe ngosizo lwemali evelele kulesi sikhwama se PEPFAR. Uthi kungenxa yaloluncedo yikho lamuhla eziphilele njalo engaselawo amahloni ngoba ephila legciwane nanko esanelisa ukuwathola amaphilisi ohlobo lwama ARV’s.
Unkosikazi Silibaziso Dlamini laye uphila legciwane njalo sowangeniswa kuhlelo lokutholiswa amaphilisi ama ARV’s. Ukhala ngodubo lokuswela okuyimadlana okuhlawuliswa ezibhedlela, lanxa ethi itholakala lula limithi yabaphila legciwane emangweni we Goromonzi lapho ahlala khona.
Ngomnyaka ka 2013 abe PEPFAR benze isithembiso sokuba bazatholisa eleZimbabwe imali engaba yizigidi ezingamatshumi ayisitshiyagalolunye lanhlanu zamadollar-$95 million.
Phose izigidi ezinhlanu zalemali isetshenziswe kunhlelo eziphathisa uhulumende zokwenqabela ukusabalala kwegciwane ebantwaneni ikakhulu abasanda kubelethwa, lekulondolozweni impilo yabezifazane.
Kuthi ezigidi ezingamatshumi amabili zamadollar-$20million yalemali iphathisa ukutholisa abaphila legciwane bengabantu abadala amaphilisi ohlobo lwama ARV’s kuthi phose amatshumi amabili njalo ezigidi kuloluncedo isetshenziswe kundaba zokusokwa kwabesilisa.
Abe PEPFAR laba besebenzelana labekolitshi yemfundo yaphezulu i- University of Zimbabwe, baphathisa njalo kundaba zokuthuthukiswa kwemisebenzi yofundiswa kwabodokotela kanye lezokucubungula.
Phose abantu abedlula isigidi- 1,2 Million abaphila legciwane kweleZimbabwe,bathembele kuncedo oluvelela esikhwameni sePEPFAR.
Isikhwama sikahulumende wakwele Melika ese President’s Emergency Plan For Aids Relief – PEPFAR esisungulwe iminyaka elitshumi edluleyo ngomnyaka ka 2003 ngesikhathi umongameli George Bush ebusa sesiphathise kakhulu kunhlelo zokulwisana lodubo lwegciwane kanye lengculaza kweleZimbabwe.
Usizo lwalesi sikhwama sePEPFAR seluphathise ilizwe kundaba zokwenqabela ukusabalala kwegciwane ngaphansi kwenhlelo ezibalisa ukusokwa kwabesilisa, ukwenqatshelwa kokusabalala kwaleligciwane lisuka kumama lisiya emntwaneni i PMTC kanye lokuphathisa kunhlelo zokucetshiswa kanye lokuhlolwa kukazulu ukuba ulegciwane loba hatshi olwe Voluntary Councelling and Testing.
Lesi sikhwama siphathisa njalo kunhlelo zokutholiswa kwamaphilisi ohlobo lwama Anti-retroviral atholiswa labo abaphila legciwane.
Abantu abangaba zinkulungwane ezilikhulu lamatshumi ayisithupha, phakathi kwabazinkulungwane ezingamakhulu ayisithupha abalegcikwane, batholiswa loluncedo bephathiswa yisikhwama se PEPFAR.
Obona ngezokuqhutshwa kwenhlelo enhlanganisweni ye PEPFAR kwele Zimbabwe, unkosikazi Megan Petterson uthi kunengi osekuthe kwenziwa yilesi sikhwama okuncomekayo ngesikhathi linhlanganiso ithakazelela ukufikisa iminyaka elitshumi.
Uthi uncedo lwe PEPFAR seluphathise kakhulu kundaba zokwehlisa udubo lwegciwane kanye lengculaza emphakathini kanye lkumizamo kahulumende yokwenqabela ukusabalala kwaleligciwane.
U Pettersen uthi uhulumende wakweleMelika uzimisele ukuphathisa eleZimbabwe kunhlelo zalo eziphathelene legciwane kanye lengculaza njengengxenye yemizamo yokwehlisa ukusabalala kwegciwane emhlabeni wonke jikelele.
Ele Zimbabwe lithola uncedo oluvela e PEPFAR phansi kwesikhwama se Global Fund esiphathisa ngemali yokuqhuba inhlelo eziphathelene lokwehiswa kokusabalala kwegciwane kanye lengculaza.
Ngaphambilini eleZimbabwe belivele litholiswa usizo luvelela kuhulumende weMelika ngaphansi kwe USAID.
Abe Centre For Diseases Control – CDC Zimbabwe ngabanye balabo abasebenzelana labe PEPFAR ukuqhuba limisebenzi elizweni.
Abe CDC Zimbabwe basebenzelana lohulumende weZimbabwe ukuthuthukisa inhlelo zezempilakahle kanye lokuthuthukisa izisebenzi kwezempilakahle. Umqondisi we CDC kuleli umnumzana Peter Kilmarx uthi uhlangothi lwake luphathiswe kakhulu ngosizo oluvelele kwabesikhwama se PEPFAR kuminyaka le edlule.
Ezinye zenhlanganiso ezisebenzelana labesikhwama se PEPFAR selokhu sasungulwayo zibalisa lezo ezisebenzelana lozulu i-Community Working Group on Health, abenhlanganiso ye Public Health Interventions kanye leye Elizabeth Glaser Foundation.
Unkosikazi Thandiwe Sibanda wase Gokwe uleminyaka engamatshumi amane lasikhombisa njalo yena lomkakhe baphila legciwane.
Unkosikazi Sibanda uncoma imisebenzi eqhutshwe ngosizo lwemali evelele kulesi sikhwama se PEPFAR. Uthi kungenxa yaloluncedo yikho lamuhla eziphilele njalo engaselawo amahloni ngoba ephila legciwane nanko esanelisa ukuwathola amaphilisi ohlobo lwama ARV’s.
Unkosikazi Silibaziso Dlamini laye uphila legciwane njalo sowangeniswa kuhlelo lokutholiswa amaphilisi ama ARV’s. Ukhala ngodubo lokuswela okuyimadlana okuhlawuliswa ezibhedlela, lanxa ethi itholakala lula limithi yabaphila legciwane emangweni we Goromonzi lapho ahlala khona.
Ngomnyaka ka 2013 abe PEPFAR benze isithembiso sokuba bazatholisa eleZimbabwe imali engaba yizigidi ezingamatshumi ayisitshiyagalolunye lanhlanu zamadollar-$95 million.
Phose izigidi ezinhlanu zalemali isetshenziswe kunhlelo eziphathisa uhulumende zokwenqabela ukusabalala kwegciwane ebantwaneni ikakhulu abasanda kubelethwa, lekulondolozweni impilo yabezifazane.
Kuthi ezigidi ezingamatshumi amabili zamadollar-$20million yalemali iphathisa ukutholisa abaphila legciwane bengabantu abadala amaphilisi ohlobo lwama ARV’s kuthi phose amatshumi amabili njalo ezigidi kuloluncedo isetshenziswe kundaba zokusokwa kwabesilisa.
Abe PEPFAR laba besebenzelana labekolitshi yemfundo yaphezulu i- University of Zimbabwe, baphathisa njalo kundaba zokuthuthukiswa kwemisebenzi yofundiswa kwabodokotela kanye lezokucubungula.
Phose abantu abedlula isigidi- 1,2 Million abaphila legciwane kweleZimbabwe,bathembele kuncedo oluvelela esikhwameni sePEPFAR.