HARARE —
Inhlanganiso yabatsha eye Youth Agenda Trust ithi kulokuthula emaphandleni kundawana ezitshiyeneyo zelizwe ngesikhathi ilizwe lingena kukhetho lokudinga umongameli welizwe, amalunga edale le phalamende lama khansila oluzakwenziwa ekupheleni kwayonale inyanga.
Umqondisi we YAT uMnumzana Lawrence Mashungu owenelise ukwethekelela indawana ezinengi zelizwe ezigoqela ezazakala ngokusekela ibandla le Zanu PF ezifana le Mudzi, Chegutu, Sanyati, Masvingo lezinye ekhuthaza abatsha ukuba bephatheke kukhetho uthi umumo ukhanya umuhle kakhulu kulinganiswa lezinye izikhathi ilizwe lingena kukhetho:
UMashungu uthi kulendawo lapha lalaphaya okutholakala ezinye inkokheli zikhumbuza abantu ngenkinga yokuhlukuluzwa okwenziwa abantu kukhetho lomnyaka ka 2008 ethi ukwenza okunje kumele kulungisiswe kulezo ndawo nxa lolukhetho luzaba ngolukhululekileyo.uthe umsebenzi wokubhalisela abantu ukuba bengene kukhetho owe mobile voter registration osanda kwedlula ube nxonwana kulowakuqala noma abatsha abanengi bengenelisanga ukunikezwa ulwazi ngamalungelo abo okuba bebhalise kalula:
Kodwa incitshi ecubungula ngezombusazwe uMnumzana Rejoice Ngwenya uthi kungaba yikuphangisela izinto ukuba abantu bethi akusoke kube lodlakela kumbe luzakubakhona ngesikhathi sokhetho:
Uthi abantu bakhanya bengalufuni udlakela ethi lemizamo yenkokheli kwezombusazwe yokukhuza amalunga awo ukuba engaphatheki kilo ikhanya ingaphathisa:
Inhlanganiso ye Youth Agenda Trust iqubekela phambili ikhuthaza abasakhulayo ukuba bebhalisele uku vota besethekelela indawo ezitshiyeneyo kugoqela lasemaphandleni.
Uhlelo lokubhalisa abantu kundawana abahleli kizo olwe Mobile Voter Registration olusanda kugqitshwa lubikwa lugqutshwe ngcono kulolwakuqala ngoba lusebenzise iphepha le affidavid oluvunyezwe lidale le Cabinet ukuphathisa abatsha abangela ndlela yokuveza ubufakazi balapho abahlala khona noma nje kwezinye indawo kungabanga lokuzihlupha ngokucasisela abatsha abangela lwazi olunje kwacina kubangela ukuthi abanengi behluleke ukubhalisa.
Uhlelo lokwethekelela uzulu endaweni ahleli kizo ebhaliselwa ukuvota luphethe kuyonale iviki noma abantu besenelisa ukuqubekela phambili bebhalisa emahofisini kaRegistrar General. IYAT ithi iqubekela phambili ikhuthaza abatsha ukuba bebhalise.
Inkokheli zamabandla ezombusazwe ezigoqela uMongameli Mugabe lenhloko kahulumende uMnumzana Morgan Tsvangirai bahleli bekhuthaza uzulu ukuba atshiyane lomkhuba wokulwisana ukhetho oluzayo lwenziwe kulokuthula.
Umqondisi we YAT uMnumzana Lawrence Mashungu owenelise ukwethekelela indawana ezinengi zelizwe ezigoqela ezazakala ngokusekela ibandla le Zanu PF ezifana le Mudzi, Chegutu, Sanyati, Masvingo lezinye ekhuthaza abatsha ukuba bephatheke kukhetho uthi umumo ukhanya umuhle kakhulu kulinganiswa lezinye izikhathi ilizwe lingena kukhetho:
UMashungu uthi kulendawo lapha lalaphaya okutholakala ezinye inkokheli zikhumbuza abantu ngenkinga yokuhlukuluzwa okwenziwa abantu kukhetho lomnyaka ka 2008 ethi ukwenza okunje kumele kulungisiswe kulezo ndawo nxa lolukhetho luzaba ngolukhululekileyo.uthe umsebenzi wokubhalisela abantu ukuba bengene kukhetho owe mobile voter registration osanda kwedlula ube nxonwana kulowakuqala noma abatsha abanengi bengenelisanga ukunikezwa ulwazi ngamalungelo abo okuba bebhalise kalula:
Kodwa incitshi ecubungula ngezombusazwe uMnumzana Rejoice Ngwenya uthi kungaba yikuphangisela izinto ukuba abantu bethi akusoke kube lodlakela kumbe luzakubakhona ngesikhathi sokhetho:
Uthi abantu bakhanya bengalufuni udlakela ethi lemizamo yenkokheli kwezombusazwe yokukhuza amalunga awo ukuba engaphatheki kilo ikhanya ingaphathisa:
Inhlanganiso ye Youth Agenda Trust iqubekela phambili ikhuthaza abasakhulayo ukuba bebhalisele uku vota besethekelela indawo ezitshiyeneyo kugoqela lasemaphandleni.
Uhlelo lokubhalisa abantu kundawana abahleli kizo olwe Mobile Voter Registration olusanda kugqitshwa lubikwa lugqutshwe ngcono kulolwakuqala ngoba lusebenzise iphepha le affidavid oluvunyezwe lidale le Cabinet ukuphathisa abatsha abangela ndlela yokuveza ubufakazi balapho abahlala khona noma nje kwezinye indawo kungabanga lokuzihlupha ngokucasisela abatsha abangela lwazi olunje kwacina kubangela ukuthi abanengi behluleke ukubhalisa.
Uhlelo lokwethekelela uzulu endaweni ahleli kizo ebhaliselwa ukuvota luphethe kuyonale iviki noma abantu besenelisa ukuqubekela phambili bebhalisa emahofisini kaRegistrar General. IYAT ithi iqubekela phambili ikhuthaza abatsha ukuba bebhalise.
Inkokheli zamabandla ezombusazwe ezigoqela uMongameli Mugabe lenhloko kahulumende uMnumzana Morgan Tsvangirai bahleli bekhuthaza uzulu ukuba atshiyane lomkhuba wokulwisana ukhetho oluzayo lwenziwe kulokuthula.