HARARE —
Abenhlanganiso ekhankasela ukuthula elizweni kusetshenziswa abathokozisa uzulu abagoqela abaculi labalingisi bemidlalo yamadrama lemifanekiso eye Artists for Democracy in Zimbabwe Trust, bathi bazakuqhubeka ngenhlelo zabo zokusebenzelana labaphatheke emsebenzini yokulibazisa uzulu okubalisa abaculi lembongi ekuthini uzulu ehlise umoya ngemva kokudaniswa kwabanye yimpumela yokhetho olusanda kwenziwa elizweni.
Emhlanganweni lentathelizindaba owenzelwe eBook Cafe eHarare ngoLwesibili inengi lalaba baculi baveze ukuba loluhlelo luphathisa ekuthini uzulu weZimbabwe aqakathekise ukuthula.
Omunye walaba baculi obekade ekulomhlangano lentathelizindaba, uNkosazana Edith Wewutonga, uthi lindlela esetshenziswe ngabe ' Artists for Democracy in Zimbabwe Trust ', ukukhankasela ukuthula elizweni ngesikhathi sokhetho, iphathise kakhulu ekuthini uzulu weZimbabwe avote ngokuthula.
UNkosazana Weutonga uthi kumele uqhubekele phambili loluhlelo lokukhankasela ukuthula elizweni lanxa ukhetho seluphelile, kungaze kwalindelwa izikhathi zokhetho ukuqhuba inhlelo zaloluhlobo.
Omunye wabaphatheke kuloluhlelo lokukhankasela ukuthula ngesikhathi sokhetho, uNkosazana Christine Ndoro,uthi lanxa ukhetho selwedlule, uzulu lokhe efuthelene phezu kwempumela yalo, ngakho kumqoka ukube lokhe bekhumbuza uzulu phezu kokuqakatheka kokulondoloza ukuthula lokuhlala umuntu ejabule ngoba ukufuthelana kungekuhle.
Umqondisi walenhlanganiso ye ADZT uMnumzana Stanely Kwenda uthi zifezekile izifiso zalomkhankaso wokukhuthaza ukuthula besebenzelana labalizabisa uzulu ngaphansi kohlelo lwe ‘Peace Caravan.
UKwenda uthi kuqakathekile ukuba luqhubekele phambili loluhlelo lokukhankasela ukuthula elizweni sonke sikhathi.
Uqhubeke ethi loluhlelo lwe ‘Zimbabwe Peace Caravan ’ ngeinye indlela esetshenziswa yinhlanganiso yakhe ukukhankasela ukuthula elizweni.
Abahlabeleli ababalisa uSulumani Chimbetu, Jah Prayzeh, umuyi uChiwoniso Maraire kanye lo Edit Katiji baphatheke emsebenzini wokucindezela idlalade elithiwa ‘Moyo Munyoro ’ ebelinikezwa uzulu ilizwe lonke lapho bekade benxunswa khona ukuyahlabela belibazisa uzulu.
Abenhlanganiso ekhankasela ukuthula elizweni kusetshenziswa abathokozisa uzulu abagoqela abaculi labalingisi bemidlalo yamadrama lemifanekiso eye Artists for Democracy in Zimbabwe Trust, bathi bazakuqhubeka ngenhlelo zabo zokusebenzelana labaphatheke emsebenzini yokulibazisa uzulu okubalisa abaculi lembongi ekuthini uzulu ehlise umoya ngemva kokudaniswa kwabanye yimpumela yokhetho olusanda kwenziwa elizweni.
Emhlanganweni lentathelizindaba owenzelwe eBook Cafe eHarare ngoLwesibili inengi lalaba baculi baveze ukuba loluhlelo luphathisa ekuthini uzulu weZimbabwe aqakathekise ukuthula.
Omunye walaba baculi obekade ekulomhlangano lentathelizindaba, uNkosazana Edith Wewutonga, uthi lindlela esetshenziswe ngabe ' Artists for Democracy in Zimbabwe Trust ', ukukhankasela ukuthula elizweni ngesikhathi sokhetho, iphathise kakhulu ekuthini uzulu weZimbabwe avote ngokuthula.
UNkosazana Weutonga uthi kumele uqhubekele phambili loluhlelo lokukhankasela ukuthula elizweni lanxa ukhetho seluphelile, kungaze kwalindelwa izikhathi zokhetho ukuqhuba inhlelo zaloluhlobo.
Omunye wabaphatheke kuloluhlelo lokukhankasela ukuthula ngesikhathi sokhetho, uNkosazana Christine Ndoro,uthi lanxa ukhetho selwedlule, uzulu lokhe efuthelene phezu kwempumela yalo, ngakho kumqoka ukube lokhe bekhumbuza uzulu phezu kokuqakatheka kokulondoloza ukuthula lokuhlala umuntu ejabule ngoba ukufuthelana kungekuhle.
Umqondisi walenhlanganiso ye ADZT uMnumzana Stanely Kwenda uthi zifezekile izifiso zalomkhankaso wokukhuthaza ukuthula besebenzelana labalizabisa uzulu ngaphansi kohlelo lwe ‘Peace Caravan.
UKwenda uthi kuqakathekile ukuba luqhubekele phambili loluhlelo lokukhankasela ukuthula elizweni sonke sikhathi.
Uqhubeke ethi loluhlelo lwe ‘Zimbabwe Peace Caravan ’ ngeinye indlela esetshenziswa yinhlanganiso yakhe ukukhankasela ukuthula elizweni.
Abahlabeleli ababalisa uSulumani Chimbetu, Jah Prayzeh, umuyi uChiwoniso Maraire kanye lo Edit Katiji baphatheke emsebenzini wokucindezela idlalade elithiwa ‘Moyo Munyoro ’ ebelinikezwa uzulu ilizwe lonke lapho bekade benxunswa khona ukuyahlabela belibazisa uzulu.