Abecele le MDC elikhokhelwa ngumnumzana Morgan Tsvangirayi baveza ukuba sebethole ubufakazi obutsha phezu kwemisebenzi yenkampani eyasetshenziswa ngabebandla le ZANU PF ukuqilibezela kukhetho, oselusengezwa yilelibandla kugwalo lwezikhalazo olulungiswa yilelibandla.
Kungxoxo lentathelizindaba ngemva komhlangano wedale le Standing Committee lamuhla emini, isikhulumeli sebandla umnumzana Douglass Mwonzora uthe lolugwalo oluqoqwa ngabebandla lakhe phezu kwezigigaba zokuqilibezela kukhetho olwenziwe ngoNtulikazi libandla leZanu luzasiwa emahofisini abammeli bamanye amazwe kuleli, inhlanganiso ye AU kanye leSADC ukuze bazibonele phezu kwemisebenzi ye NIKUV kulolukhetho.
Umwonzora uthi kunje balobufakazi phezu komhlangano owangenwa ngabenhlanganiso yeNIKUV le lenkokheli yebutho kanye lamalunga akwele China lapho kwahlelwa khona ukuba kuthathwe manyathelo bani okuqilibezela kukhetho ukuze linqobe ele Zanu Pf loba kanjani.
UMwonzora uthi lolugwalo lobufakazi obuqoqwa ngabebandla lakhe buyenela lanxa bebefisa ukuthola ugwalo lwamagama abalelungelo lokuvota elizweni.
Uveze njalo ukuba sebethole ubufakazi phezu kweminye yemisebenzi yabenkampani ye NIKUV abaphatheke kiyo okubalisa ukuphazamisa ugwalo lwe Voters’ Role.
Uthi bathathu abaphatheke kulomsebenzi wokuloba lolugwalo lobufakazi okubalisa Unobhala jielele ebandleni leli umnumzana Tendayi Biti, umsekeli kamgciningcebo umnumzana Elton Mangoma kanye laye umnumzana Douglas Mwonzora ngenjongo yokuba uzulu weZimbabwe kanye lomhlaba wonke jikelele balithole iqiniso lalokho okwenzakala kukhetho.
Emhlanganweni munye we Standing Committe,UMwonzora uveze njalo ukuba abebandla lakhe baphathe indaba ezibalisa olwamacouncillors abavukela ibandla ethi kakusathathwanga sinqumo sokuba bazajeziswa njani njengoba lokhe ungakapheli umsebenzi wokucubungula okwenzakalayo.
Wengeza ethi kukhulunywe njalo phezu kwemisebenzi yabakhethwa ukuba ngamalunga edale le shadow cabinet , baqhube imisebenzi yentuthuko njengoba uhulumende weZanu Pf esehluleka ukutholisa uzulu amthembisa khona.
UMwonzora uveze njalo ukuba kubonisane phezu kokuthuthukisa ibandla le MDC kanye lokulungiselela ukhetho lwama by-elections olukhangelelwe ukwenziwa kunsukwana ezizayo lapho athe abebandla lakhe bazanqoba.
Kungxoxo lentathelizindaba ngemva komhlangano wedale le Standing Committee lamuhla emini, isikhulumeli sebandla umnumzana Douglass Mwonzora uthe lolugwalo oluqoqwa ngabebandla lakhe phezu kwezigigaba zokuqilibezela kukhetho olwenziwe ngoNtulikazi libandla leZanu luzasiwa emahofisini abammeli bamanye amazwe kuleli, inhlanganiso ye AU kanye leSADC ukuze bazibonele phezu kwemisebenzi ye NIKUV kulolukhetho.
Umwonzora uthi kunje balobufakazi phezu komhlangano owangenwa ngabenhlanganiso yeNIKUV le lenkokheli yebutho kanye lamalunga akwele China lapho kwahlelwa khona ukuba kuthathwe manyathelo bani okuqilibezela kukhetho ukuze linqobe ele Zanu Pf loba kanjani.
UMwonzora uthi lolugwalo lobufakazi obuqoqwa ngabebandla lakhe buyenela lanxa bebefisa ukuthola ugwalo lwamagama abalelungelo lokuvota elizweni.
Uveze njalo ukuba sebethole ubufakazi phezu kweminye yemisebenzi yabenkampani ye NIKUV abaphatheke kiyo okubalisa ukuphazamisa ugwalo lwe Voters’ Role.
Uthi bathathu abaphatheke kulomsebenzi wokuloba lolugwalo lobufakazi okubalisa Unobhala jielele ebandleni leli umnumzana Tendayi Biti, umsekeli kamgciningcebo umnumzana Elton Mangoma kanye laye umnumzana Douglas Mwonzora ngenjongo yokuba uzulu weZimbabwe kanye lomhlaba wonke jikelele balithole iqiniso lalokho okwenzakala kukhetho.
Emhlanganweni munye we Standing Committe,UMwonzora uveze njalo ukuba abebandla lakhe baphathe indaba ezibalisa olwamacouncillors abavukela ibandla ethi kakusathathwanga sinqumo sokuba bazajeziswa njani njengoba lokhe ungakapheli umsebenzi wokucubungula okwenzakalayo.
Wengeza ethi kukhulunywe njalo phezu kwemisebenzi yabakhethwa ukuba ngamalunga edale le shadow cabinet , baqhube imisebenzi yentuthuko njengoba uhulumende weZanu Pf esehluleka ukutholisa uzulu amthembisa khona.
UMwonzora uveze njalo ukuba kubonisane phezu kokuthuthukisa ibandla le MDC kanye lokulungiselela ukhetho lwama by-elections olukhangelelwe ukwenziwa kunsukwana ezizayo lapho athe abebandla lakhe bazanqoba.