Amalunga edale lephalamende eZimbabwe, bakhala ndawonye lozulu ngokubhubha kwentathelizindaba, ezimbalwa ezigoqela, uSandra Nyaira, Tawanda Gudlanga, uSaul Gwakuba Ndlovu labanye, acela uhulumende ukuba aqakathekise impilakahle yentathelizindaba. Lokhu kuza ngesikhathi inani lentathelizindaba eselibulawa yilu mkhuhlane liqansa.
Lokhu kwenzakala ngesikhathi intatheli ziyizo eziphambili ngokupha uzulu ulwazi mayelana lokuqakatheka kokuzivikela ngalesisikhathi esinzima kangaka.
Loba nje intatheli zisenza umsebenzi omkhulu kangaka inengi kalikuboni ukuqakatheka kwazo, kodwa uhulumende wabeka umthetho othi intathelizindaba lazo zibe sibanga sabantu abaqakatheke kakhulu ama frontline workers.
Abedale le phalamende babe lesikhathi sokunhlonipha intathelizindaba ezithethwe ngumkhuhlane oweCovid 19, ezigoqela uGudlanga, Nyaira labanye, besithi ukubhubha kwabo kufuze kuphe amankampani isifundo sokuba anakekele impilo zentathelizindaba.
Umgcinisihlalo we khomithi ebona ngo msebenzi wentathelizindaba lokukhitshwa kwemibiko ephalamende engummeli we Matebeland South phansi kwe proportional representation uNkosazana Sipho Ndlovu-Mokone uthi badanile ngokubhubha kwe ntathelizindaba lezi.
“Silahlekelwe kakhulu zintathelizindaba lezi uSandra Nyaira lo Tawanda Gudyanga. Intathelizindaba zindaba zenza umsebenzi omkhulu kakhulu ekwenqabeleni ukumemetheka komkhuhlane lo ngokupha uzulu ulwazi”
UNkosikazi Mokone ukhuthaze intatheli ukuba zihlatshwe ijekiseni lokuzivikela kubhubhane lwe Covid-19.
“Sikhuthaza intathelizindaba ukuba zihlatshwe ukuze singatholi izimfa ezinengi kugatsha lwabo. Sikhuthaza ukuba bazinakekele ngesikhathi bethatha izindaba”
Omunye owasebenza lo Gudlanga eyintatheli yeZBC u Abigail Tembo uthi umsakazo lo ulahlekelwe ngu muntu obe ezimisele ngo msebenzi wakhe.
“UTawanda Gudlanga wayengu muntu oweduze, waweusenelisa ukukhuluma laye yonke into. Wayekupha indleba. Ngahlangana laye ngo mnyaka ka 2006, sikhathi sonke ngimbona wayengipha ukudla engakaqala umsebenzi wakhe e Classic 263”
Umholi wenhlangiso esebenza lentathelizindaba eye Media Centre uMnu Ernest Mudzengi uthi kumele intathelizindaba zizame ngazikhathi zonke ukuzivikela kulu mkhuhlane.
“Sesizamile ukuba silandele iziqondiso ze WHO, abantu kumele bakhenge I temperature nxa abantu bengena lapha. Siyanceda abantu ukuba bahlolwe ukuba balolumkhuhlane kungela ngela mbadalo”
Ngesikhathi sokubhubha kuka Sandra Nyaira wayesesebenzela inhlanganiso yomanyano wamazwe omhlaba iUnited Nations (UN) esedolobheni le Addis Ababa kwele Ethiopia.
UGudlanga wayesebenzela umsakazo we YA FM eZvishavane engu mholi walumsakazo.
Intathelizindaba ezabhubha nge Covid-19 zibalisa uZororo Makamba, Charles Lyton, Foster Dongozi, Janet Munyaka labanye.