HARARE —
Phose amakhulu amabili amalunga enhlanganiso elwela ilungelo loluntu eye Women Of Zimbabwe Arise lamuhla afole elubhekise edale lephalamende esiya kusa incwadi yezikhalazo bekhuthaza uhulumende omutsha we Zanu Pf ukuba asebenzele uzulu ngasikhathi sinye exwayiswa ukuba ehlukane lomkhuba wokukhuluma ngendaba zokuthula kungekho ntuthuko ebonakalayo ngoba kokubili kungehlukaniswa.
Yinjabulo ebivezwa yilamalunga abefika phose amakhulu amabili ngoba ufezekile umsebenzi wabo wokusa incwadi yezikhalazo edale lephalamende kungekho kuphazanyiswa ngamapholisa.
Unkosikazi Jenny Williams ongomunye wenkokheli enhlanganisweni yeWOZA, utshele intathelzindaba ukuba bayajabula ngoba bengazange baphazanyiswe ngamapholisa ngesikhathi besiyakwethula incwadi yabo yezikhalazo njengalokho okuvame ukuba yikho khona.
U Williams uthi abenhlanganiso yakhe bafuna umkhankaso wokuthula okuletha intuthuko hatshi ukube lokhe kukhulunywa ngalokho kuthula kodwa ingekho intuthuko ebonakalayo enziwa nguhulumende.
Unkosazana Magodonga Mahlangu ongomunye wenkokheli yeWoza utshele intathelizindaba ukuba baphindele njalo edale lephalamende ngemva kokuvinjwa ukusa incwadi yezikhalazo inye abekade befuna ukuyayethula kulelidale njengendlela yokunanza usuku lokuthula umhlaba wonke jikelele ngaleso sikhathi.
U Mahlangu uthi lamuhla bemukelwe kuhle ngesikhathi besisa incwadi yabo yezikhalazo edale lephalamende lanxa ethi bebekhona abekade befuna kubuye amapholisa e Riot kube yileso esenzakala ngesikhathi esidlule.
Uthi lanxa abenhlananiso yakhe bejatshuliswa yikwesulwa kwezikwelede zamanzi kanye lamandla kagetsi,okungokunye kwalokho abekade bekukhankasela sonke lesi sikhathi,uthi sekumele uhulumende angenele, aphathise ngokutholisa mankampani la izikhwelede ezilemithelo ephansi lokubhadalela ezinye indleko zikazulu ukuze kungaze kwaba ludubo oluzaphinde lubuyela kuzulu munye.
Abenhlanganiso ye Woza le bahlezi betshengisela kanye lokufola besisa incwadi zezikhalazo eziphezu kokungaqhubi kuhle umsebenzi kuhulumende kundaba zokusebenzela uzulu.
Kodwa isikhathi esinengi bahlezi behlukuluzwa ngamapholisa, esikhathini kubotshwa inkokheli zalinhlanganiso.
Inkokheli ze WOZA kanye lentathelizindaba bake bathathwa ngamapholisa ngenyanga ephelileyo, basiwa enkambeni ye Harare Central Police Station besetheswa umlandu wokufola okungekho emthethweni.
Yinjabulo ebivezwa yilamalunga abefika phose amakhulu amabili ngoba ufezekile umsebenzi wabo wokusa incwadi yezikhalazo edale lephalamende kungekho kuphazanyiswa ngamapholisa.
Unkosikazi Jenny Williams ongomunye wenkokheli enhlanganisweni yeWOZA, utshele intathelzindaba ukuba bayajabula ngoba bengazange baphazanyiswe ngamapholisa ngesikhathi besiyakwethula incwadi yabo yezikhalazo njengalokho okuvame ukuba yikho khona.
U Williams uthi abenhlanganiso yakhe bafuna umkhankaso wokuthula okuletha intuthuko hatshi ukube lokhe kukhulunywa ngalokho kuthula kodwa ingekho intuthuko ebonakalayo enziwa nguhulumende.
Unkosazana Magodonga Mahlangu ongomunye wenkokheli yeWoza utshele intathelizindaba ukuba baphindele njalo edale lephalamende ngemva kokuvinjwa ukusa incwadi yezikhalazo inye abekade befuna ukuyayethula kulelidale njengendlela yokunanza usuku lokuthula umhlaba wonke jikelele ngaleso sikhathi.
U Mahlangu uthi lamuhla bemukelwe kuhle ngesikhathi besisa incwadi yabo yezikhalazo edale lephalamende lanxa ethi bebekhona abekade befuna kubuye amapholisa e Riot kube yileso esenzakala ngesikhathi esidlule.
Uthi lanxa abenhlananiso yakhe bejatshuliswa yikwesulwa kwezikwelede zamanzi kanye lamandla kagetsi,okungokunye kwalokho abekade bekukhankasela sonke lesi sikhathi,uthi sekumele uhulumende angenele, aphathise ngokutholisa mankampani la izikhwelede ezilemithelo ephansi lokubhadalela ezinye indleko zikazulu ukuze kungaze kwaba ludubo oluzaphinde lubuyela kuzulu munye.
Abenhlanganiso ye Woza le bahlezi betshengisela kanye lokufola besisa incwadi zezikhalazo eziphezu kokungaqhubi kuhle umsebenzi kuhulumende kundaba zokusebenzela uzulu.
Kodwa isikhathi esinengi bahlezi behlukuluzwa ngamapholisa, esikhathini kubotshwa inkokheli zalinhlanganiso.
Inkokheli ze WOZA kanye lentathelizindaba bake bathathwa ngamapholisa ngenyanga ephelileyo, basiwa enkambeni ye Harare Central Police Station besetheswa umlandu wokufola okungekho emthethweni.