WASHINGTON —
Umthethwandaba weHigh court ngoLwesine ufumene amalunga eMDC-T angamtshumi amabili lanye, engela cala lokubulala ipholisa u-Inspector Petros Mutedza eGlenview 3 eHarare mhlaka 29 ngoNkwenkwezi ngomnyaka ka 2011.
Abakhululiweyo bagoqela umuyi uNkosazana Rebecca Mafikeni obhubhe elokhu evalelwe esetheswa icala elifanayo.
Esethula isinqumo sakhe edale ngoLwesine, uJustice Chinembiri Bhunu uthe abatholakale bemsulwa laba kungenxa yokuba uhulumende engalethanga ubufakazi obeneleyo obebuveza sobala ukuba ngempela balecala.
Idale linye lithi abayisikhombisa, okubalisa abane abekade bevele bese remand sonke lesi sikhathi, kumele bamiswe phambi komthethwandaba kuvele ukuba bamsulwa loba hatshi.
Abayisikhombisa laba abazamiswa phambi komthethwandaba babalisa umnumzana Tungamirai Madzokere, uNkosazana Yvonne Musarurwa, umnmzana Last lomfowabo u Lazarus Mayingehama, umnumzana Phenious Nhatarikwa, umnumzana Edwin Muyingira kanye lomnumzana Paul Rukanda.
UBhunu wengeze wathi amapholisa la eveze ubufakazi obusolisayo, elandela amahungahunga yikho behluleka ukubuveza ubudlelwano phakathi kwaloludlakela olubangele ukubulawa kuka Mutedza lalabo abekade bebekwa umlandu.
Uveze njalo ukuba kulusizi ukuba okhokhele uhlangothi lwabontanga ebandleni le MDC ekhokhelwa ngumnumzana Morgan Tsvangirayi uMnu. Solomon Madzore wabotshelwa icala angazange aphatheke kilo ngoba wayevele engekho ese umkakhe esibhedlela.
Ukuze sihlaziye indlela uhulumende aqhuba ngayo udaba lwezibotshwa, sixoxe loMnu. Matshobana Ncube igqwetha endawonye loMnu. Promise Mkwhananzi, isiphathamandla secele le MDC elikhokhelwa nguMnu. Morgan Tsvangirai.
UMnu. Ncube uthi sokufanele uhulumende ananze isisekelo sombuso esitsha esenqabela ukuthi izibotshwa zihlale ejele okwesikhathi eside zingagwetshwanga.
UMnu. Promise Mkhwananzi utshele uSithandekile Mhlanga we Studio 7 ukuthi kuyadanisa ukuthi amanye amalunga ebandla lakhe kawesulelwanga icala njengabanye.
Abakhululiweyo bagoqela umuyi uNkosazana Rebecca Mafikeni obhubhe elokhu evalelwe esetheswa icala elifanayo.
Esethula isinqumo sakhe edale ngoLwesine, uJustice Chinembiri Bhunu uthe abatholakale bemsulwa laba kungenxa yokuba uhulumende engalethanga ubufakazi obeneleyo obebuveza sobala ukuba ngempela balecala.
Idale linye lithi abayisikhombisa, okubalisa abane abekade bevele bese remand sonke lesi sikhathi, kumele bamiswe phambi komthethwandaba kuvele ukuba bamsulwa loba hatshi.
Abayisikhombisa laba abazamiswa phambi komthethwandaba babalisa umnumzana Tungamirai Madzokere, uNkosazana Yvonne Musarurwa, umnmzana Last lomfowabo u Lazarus Mayingehama, umnumzana Phenious Nhatarikwa, umnumzana Edwin Muyingira kanye lomnumzana Paul Rukanda.
UBhunu wengeze wathi amapholisa la eveze ubufakazi obusolisayo, elandela amahungahunga yikho behluleka ukubuveza ubudlelwano phakathi kwaloludlakela olubangele ukubulawa kuka Mutedza lalabo abekade bebekwa umlandu.
Uveze njalo ukuba kulusizi ukuba okhokhele uhlangothi lwabontanga ebandleni le MDC ekhokhelwa ngumnumzana Morgan Tsvangirayi uMnu. Solomon Madzore wabotshelwa icala angazange aphatheke kilo ngoba wayevele engekho ese umkakhe esibhedlela.
Ukuze sihlaziye indlela uhulumende aqhuba ngayo udaba lwezibotshwa, sixoxe loMnu. Matshobana Ncube igqwetha endawonye loMnu. Promise Mkwhananzi, isiphathamandla secele le MDC elikhokhelwa nguMnu. Morgan Tsvangirai.
UMnu. Ncube uthi sokufanele uhulumende ananze isisekelo sombuso esitsha esenqabela ukuthi izibotshwa zihlale ejele okwesikhathi eside zingagwetshwanga.
UMnu. Promise Mkhwananzi utshele uSithandekile Mhlanga we Studio 7 ukuthi kuyadanisa ukuthi amanye amalunga ebandla lakhe kawesulelwanga icala njengabanye.
