WASHINGTON DC —
Abancintisana kukhetho lokudinga umongameli welizwe baqhubeke ngemihlangano yabo yokudinga usekelo kundawana ezitshiyeneyo zelizwe ngoLwesibili.
Umkhokheli weMDC uMnu Welshman Ncube wenze imihlangano eNkayi South leNkayi North lapho akhuthaze khona uzulu ukuthi avotele ibandla lakhe kukhetho lwangeviki ezayo.
Wengeze wathi ibandla lakhe yilo kuphela elithembekileyo elizaletha inguquko empilweni kazulu, hatshi iMDC-T leZanu PF, wona athe ngamabandla akhokhelwa ngabahuquluzi.
NgoLwesithathu uMnu Ncube uzakwenza imihlangano eLupane East leLupane West.
UMnu Morgan Tsvangirai yena ube lemihlangano labasekeli bakhe eMashonaland East endaweni ezigoqela iMudzi, iMutoko leMurehwa. Laye ukhuthaze uzulu ukuthi avotele ibandla lakhe leMDC-T.
Imihlangano kaTsvangirai ingenwe ngabantu abalutshwana ngoba inengi libikwa lethuselwe ngabalandeli bebandla leZanu PF, ikakhulu eMudzi.
Ngakwelinye icele, uMongameli Mugabe, ozancintisa emele ibandla leZanu PF, ubelomhlangano eMutare. Yena uthe ibandla lakhe yilo lodwa elilohlonzi elimele livotelwe nguzulu.
Ukuhlaziya imbiko ethulwa ngabathathu laba bedinga usekelo, sixhume ingcwethi kwezombusazwe uDr. Nkululeko Sibanda, yena ofundisa eHuddersfield University kweleBhilithani.
"UMugabe angiboni ukuthi kuyini okutsha angakwenzela uzulu, kanti uTsvangirai laye selesikhathi esithile eyinhloko kahulumende. Ngalokho, uzulu ulakho ukumbona njengomuntu oyehluleke ukuletha intuthuko ngesikhathi ekuhulumende," kutsho uDr. Sibanda.
Umkhokheli weMDC uMnu Welshman Ncube wenze imihlangano eNkayi South leNkayi North lapho akhuthaze khona uzulu ukuthi avotele ibandla lakhe kukhetho lwangeviki ezayo.
Wengeze wathi ibandla lakhe yilo kuphela elithembekileyo elizaletha inguquko empilweni kazulu, hatshi iMDC-T leZanu PF, wona athe ngamabandla akhokhelwa ngabahuquluzi.
NgoLwesithathu uMnu Ncube uzakwenza imihlangano eLupane East leLupane West.
UMnu Morgan Tsvangirai yena ube lemihlangano labasekeli bakhe eMashonaland East endaweni ezigoqela iMudzi, iMutoko leMurehwa. Laye ukhuthaze uzulu ukuthi avotele ibandla lakhe leMDC-T.
Imihlangano kaTsvangirai ingenwe ngabantu abalutshwana ngoba inengi libikwa lethuselwe ngabalandeli bebandla leZanu PF, ikakhulu eMudzi.
Ngakwelinye icele, uMongameli Mugabe, ozancintisa emele ibandla leZanu PF, ubelomhlangano eMutare. Yena uthe ibandla lakhe yilo lodwa elilohlonzi elimele livotelwe nguzulu.
Ukuhlaziya imbiko ethulwa ngabathathu laba bedinga usekelo, sixhume ingcwethi kwezombusazwe uDr. Nkululeko Sibanda, yena ofundisa eHuddersfield University kweleBhilithani.
"UMugabe angiboni ukuthi kuyini okutsha angakwenzela uzulu, kanti uTsvangirai laye selesikhathi esithile eyinhloko kahulumende. Ngalokho, uzulu ulakho ukumbona njengomuntu oyehluleke ukuletha intuthuko ngesikhathi ekuhulumende," kutsho uDr. Sibanda.