Uhulumende wazise ngoLwesibili ukuba usemise uhlelo lwemfundo olwe ontinuous Assessment Learning Activities (CALA).
Izikolo sezizaqala ukusebenzisa izifundo ezintsha eziqakathekisa ubuntu eze-Heritage-based education curriculum.
Ekhuluma lentathelizindaba ngemva komhlangano wabaphathintambo bakahulumende, umphathintambo wogatsha lokukhutshwa kwemibiko uMnu. Jenfan Muswere wazise ukuba izifundo ezintsha lezi ziqala lonyaka njalo zizakupha izifundi ulwazi oluzathuthukisa ilizwe.
Abanye abazali lababalisi bathi udubo olukhulu ngolokuthi uhulumende utshintsha inhlelo zemfundo engahlalanga phansi labo bonke abaphatheka kuloluhlangothi.
Ekhuluma leStudio7, umzali okunhlanganiso yezakhamizi eyeBulawayo Progressive Residents' Association, uMnu. Joseph Nkomazana, uthi ukumiswa kohlelo lweCALA kuyinto enhle njengoba abazali lababalisi bebevele bekhonona ngalo, kodwa uthi uhulumende ubemele ahlale phansi labazali, ababalisi labanye engakafaki olunye uhlelo olutsha.
Forum