Abatshayeli Bezimota Ezinkulu Sebesehluleka Ukuphuma eMaputo Okulabatshengisela Emigwaqweni Bekhonona Ngempumela Yokhetho

Abatshayeli bezimota ezinkulu abangena bephume kweleMozambique besuka emazweni atshiyeneyo bathi sebesehluleka ukuphuma kulelolizwe ngenxa yokuvalwa komngcele weLebombo.

Bathi kugcwele amasotsha, amapholisa labatshengisela emigwaqweni bekhonona ngokukhethwa kuka Mongameli Daniel Chapo weFrelimo kukhetho olusanda kuqutshwa kulelolizwe.

Abasekela amabandla aphikisayo sebevale ngci umgwaqo osuka eMaputo usiya eLebombo, okungumgcele wakweleMozambique leleSouth Africa.

UMnu. Forget Mpofu, odabuka eZimbabwe oselosuku eseMaputo, uthi kakwazi ukuba ubuyela nini kweleSouth Africa labanye abakhe abika amakhulu amathathu – 300 abatshayela izimota ezinkulu.