Abatsha Abalikhulu Abavela Kuzwekazi leAfrica Bathola Ithuba Lokusebenza Kumankampani eMelika Okwamaviki Amane

Kulabatsha abaphatheke kuhlelo lweMandela Washington Fellowship for Young African Leaders abalikhulu -100 abavela kuzwekazi le-Africa abazasala lapha eMelika besebenza kumankampani atshiyeneyo okwamaviki amane.

Isigaba sohlelo lolu olwasungulwa ngowayengumongameli weMelika uMnu. Barack Obama, saziwa ngokuthi yi-Professional Development Experience.

Uhlelo lolu luqhutshwa ngenhloso yokuthola ulwazi lokuthi amankampani eMelika asebenza njani.

Omunye wabatsha abazaphatheka kuloluhlelo odabuka eZimbabwe, uNkosazana Cinderella Ndlovu, ozasebenza kunkampani esesabelweni seMinnesota, utshele iStudio7 ukuthi uthole ulwazi olujulileyo kakhulu kuhlelo lweMandela Washington Fellowship.

SEE ALSO:

Ingxoxo loCinderella Ndlovu.