Abathathu Abazancintisa Kukhetho Bethula Izifiso Zabo

WASHINGTON DC —  Kuhlelo lweStudio Seven lwendaba eziphathelane lokhetho, phansi kwesihloko esithi "Asambeni Siyevota", maviki wonke uChris Gande uxoxa labazancintisa kukhetho olukhangelelwe ukwenziwa ekupheleni kwayonale inyanga, mhlaka 31 Ntulikazi.

Liviki uGande uxoxa labathathu abazancintisa bemele amabandla abo ezombusazwe befuna ukungena edale lephalamende.

Abathathu laba ngabathi uMnu. Tshinga Dube oweZanu PF, uMnu. Thandenko Zinti Mkandla oweMDC-T loMnu. Charles Mpofu owecele leMDC elikhokhelwa nguMnu. Welshman Ncube.