Abasekeli bebandla le Zanu PF batshengisele phandle kwamahofisi esigodlo sommeli weleMelika eZimbabwe ngoLwesine besithi bafuna ukuthi lelo lizwe lisuse izijeziso zenotho ezafakelwa uMongameli Robert Mugabe labanye bakhe beZanu PF.
Abantu laba abakade besedlula amatshumi amabili bebehlabela ingoma ezisola izijeziso lezi njalo bethwele amabhakane alotshwe amabala asola uhulumende kaMongameli Barack Obama weMelika.
Lokhu ngokwesibili ukutshengisela okunje kulandela okunye okwenziwe kumaviki amathathu adluleyo ngabasekeli beZanu PF laba abazithi yiPatriotic Front Children of War Veterans.
Obona ngokuqutshwa kwemibiko esigodlweni sommeli weleMelika, uNkosazana Karen Kelly utshele iStudio 7 ukuthi mpela bekulokutshengisela kodwa wathi kalawo amanengi ngoba ubengekho kusenzakala.
Ingcwethi ecubungula ezelungelo likazulu, uMnu. Clemence Moyo ongumqondisi njalo wenhlanganiso ye Mediation For Peace Centre utshele iStudio 7 ukuthi ukutshengisela lokhu kukhomba ukwehluleka ukuvuselela umnotho welizwe kukahulumende we Zanu PF osecatsha ngokuthi kulezijeziso zenotho.
Abantu laba abakade besedlula amatshumi amabili bebehlabela ingoma ezisola izijeziso lezi njalo bethwele amabhakane alotshwe amabala asola uhulumende kaMongameli Barack Obama weMelika.
Lokhu ngokwesibili ukutshengisela okunje kulandela okunye okwenziwe kumaviki amathathu adluleyo ngabasekeli beZanu PF laba abazithi yiPatriotic Front Children of War Veterans.
Obona ngokuqutshwa kwemibiko esigodlweni sommeli weleMelika, uNkosazana Karen Kelly utshele iStudio 7 ukuthi mpela bekulokutshengisela kodwa wathi kalawo amanengi ngoba ubengekho kusenzakala.
Ingcwethi ecubungula ezelungelo likazulu, uMnu. Clemence Moyo ongumqondisi njalo wenhlanganiso ye Mediation For Peace Centre utshele iStudio 7 ukuthi ukutshengisela lokhu kukhomba ukwehluleka ukuvuselela umnotho welizwe kukahulumende we Zanu PF osecatsha ngokuthi kulezijeziso zenotho.
