Abasakhulayo abasemaphandleni bathi kabatholi imali yohlelo lokwabela uzulu amashares olwe Indigenization ekwelediswa ngamabhanga abalisa iCABS, Stanbic Bank le Commercial Bank of Zimbabwe..
Bathi inengi labo kabenelisi ukulandela iziqondiso zomthetho wokuthola imali le okunjengokuthenga inkampani engasebenziyo ewofisini kahulumende iDeeds Office lokwenza ingwalo ezijulileyo zokucela imali - amaproject proposals.
Baphinde bathi ugatsha lukahulumende oluqhuba uhlelo lolu kumele lulonde abasakhulayo emaphandleni abangenelisi ukuya emadolobheni ukuyadinga imali le.
Okwamanje iCABS isinike abasakhulayo izikwelede eziyinkulungwane ezingamakhulu amabili amadollar eMelika selokhu yaqalisa uhlelo lolu ngomnyaka ophelileyo.
Kulezigidi ezingamatshumi amabili amadolla eMelika ezafakwa eCABS kuhlelo lolu yi Old Mutual Insurance Company edlelana lebhanga leli. Ibhanga le Stanbic le CBZ alezigidi ezingamatshumi amabili amadollar eMelika okungaziwayo ukuthi aseyenzeni ngayo.
Umnu. Liberty Bhebhe umqondisi wenhlanganiso yabasakhulayo iNational Youth Development Trust uthi iyamangalisa indlela imali yohlelo lweIndigenization ekwelediswa ngayo.
Abasakhulayo Abasemaphandleni Bakhala Ngokungatholi Imali Yohlelo lwe Indigenization
- Gibbs Dube
